Саудия Профессионал Лигаси. “Ан-Насср” рақиби устидан ғалаба қозонди. Криштиану Роналдудан иккита ассист

Футбол бўйича Саудия Арабистони чемпионатининг 17-турида “Ан-Насср” 17 февраль, жума куни “Ал-Таавун” билан баҳс олиб борди.

Учрашувнинг 17-дақиқасида Роналдунинг узатмасидан сўнг Абдулраҳмон Гариб ҳисобни очди. Иккинчи бўлим бошида Альваро Медран мувозанатни тиклади. 78-дақиқада Абдулла Маду “Ан-Насср”нинг иккинчи голига муаллифлик қилди. Бу сафар ҳам голли узатма Криштиану Роналду ҳисобига ёзилди. Жалолиддин Машарипов эса 72-дақиқада Айман Яҳёнинг ўрнига майдонга тушди.

Шу тариқа “Ан-Насср” 2:1 ҳисобида ғалаба қозонди ва очколари сонини 40 тага етказиб, биринчи ўринга кўтарилиб олди.

Саудия Профессионал Лигаси

17-тур баҳси

17 февраль, жума

“Ан-Насср” – “Ал-Таавун” 2:1

Голлар: 1:0 – 17 Гариб, 1:1 – 47 Медран, 2:1 – 78 Маду.

“Ан-Насср”: Ал-Акиди, Ал-Ганам (Ал-Авжами, 84), Маду, Ал-Амри,  Конaн, Луис Густаво, Ал-Нажи (Мартинес, 63), Ал-Ҳассан (Ал-Сулайҳим, 63), Яҳё (Машарипов, 72), Роналду, Гариб (Талиска, 72).

“Ал-Таавун”: Маилсон, Ал-Гҳамди (Муҳаммад, 83), Налдо, Кадеш, Яҳё (Ал-Саафи, 73), Медран, Ромеро, Эл-Маҳдиуи, Ал-Носир (Ал-Амри, 87), Тавамба, Ал-Рашиди (Ал-Набит, 46).

Огоҳлантириш: Мартинес (90).