Инвестиция киритиш орқали мўмайгина маблағ ишлаб олиш мумкинлиги ҳақида айтилаётган видеороликлар ёлғон дея хабар бермоқда Киберхавфсизлик маркази ахборот хизмати.
Telegram орқали тарқалган қисқа видеода давлат раҳбари номидан “Ўзингизга ва оилангизга қарзлар ва барча кредитларни ёпишга ёрдам беринг. Ҳаётингизни бугун ўзгартириш имкониятидан фойдаланинг. Ҳар бир пластикда 17 миллион сўм”, дейилган хабарлар юборилмоқда.
Марказ интернет орқали мўмай даромад таклиф этаётган ҳар қандай ахборотни жиддий текширишни сўрамоқда.
Айниқса, бугун интернет фирибгарлари ҳукумат вакиллари, машҳур шахслар қиёфасидан фойдаланган ҳолда сохта реклама хабарларини яратмоқда. Шунинг учун инвестиция киритиш орқали мўмайгина маблағ ишлаб олиш мумкинлиги ҳақида айтилаётган видеороликларга ишонманг, дейилади марказ ахбортида.
Аввалроқ Солиқ қўмитаси раиси номидан Telegram орқали фейк хабарлар юборилаётгани айтилган эди.
Изоҳ (0)