Бухорода “неварангиз йўл-транспорт ҳодисасига учради, зудлик билан пул керак” дея фуқарони чув туширган аёл қўлга олинди. Бу ҳақда ИИВ Киберхавфсизлик маркази хабар берди.
Қайд этилишича, Бухоро вилоятида яшовчи 83 ёшли Д.Н. ариза билан мурожаат қилиб, 3 минг доллар номаълум шахс томонидан фирибгарлик йўли билан ўзлаштирилганини маълум қилган.
Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида мазкур жиноятни Бухоро вилоятида яшовчи аёл С.С. содир этгани аниқланган.
Гумонланувчи сифатида тергов органларига жалб этилган аёл С.С. жабрланувчига қўнғироқ қилиб, унинг невараси йўл-транспорт ҳодисасига учрагани ва зудлик билан пул кераклигини айтиб, уни алдаб, яшаш уйига келиб, 3 минг доллар пулларини олиб кетган.
Мазкур ҳолат юзасидан С.С.га нисбатан Жиноят кодексининг 168-моддаси (фирибгарлик) 2-қисми билан жиноят иши қўзғатилган.
Аввалроқ Андижонда ўзгалар номига онлайн кредит расмийлаштирган сохта банкир ушлангани, Фарғонада “бетоб қизнинг операцияси учун” дея ўзганинг номидан аккаунт очиб, пулларни ўзлаштириб келган шахс қўлга олингани тўғрисида хабар берилганди.
Изоҳ (0)