Тошкент шаҳрининг Шайхонтоҳур туманида тадбиркорга 500 минг долларлик шартнома тузиб беришни ваъда қилган шахс қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, “С.С.” МЧЖ раҳбари Н.Ш. (муқаддам судланган) тадбиркор У.I.га танишлари ёрдамида “Л.Й.” корхонаси билан 500 минг доллар миқдорида қурилиш ишларини бажариш юзасидан шартнома тузган.
Сўнг буюртма олиб бериши эвазига шартнома қийматининг 10 фоизи миқдорида пул бериши кераклигини айтиб, 50 минг долларни фирибгарлик йўли билан олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкентда тадбиркорга 10 минг доллар эвазига турар жой биносини қуришга рухсатнома олиб беришни ваъда қилган шахс ушланган эди.
Изоҳ (0)