Қашқадарё вилоятининг Шаҳрисабз шаҳридаги “Абу Али ибн Сино” номидаги жамоат саломатлиги техникумига ўқишга киритиб қўйишни ваъда қилган шахслар аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, фуқаро Ш.Ю. ва бошқалар И.Х., К.Ҳ. ва М.Ё.нинг ишончига кириб, уларни гўёки юқори лавозимда ишловчи танишлари ёрдамида Шаҳрисабздаги “Абу Али ибн Сино” номидаги жамоат саломатлиги техникумига ўқишга киритиб қўйишни ваъда қилган.
Бунинг эвазига жами 3 800 долларни фирибгарлик йўли билан қўлга киритган. Ҳолат аниқлангач ушбу пулларнинг тўлиқ қайтарилиши таъминланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)