Бош прокуратура ҳузуридаги департамент ахборот хизмати икки туманда аниқланган фирибгарлик ва пора бериш билан боғлиқ жиноятлар ҳақида хабар берди.
Учтепа туманида ўтказилган терговга қадар текширувда муқаддам судланган уч нафар фуқаро масъулияти чекланган жамият таъсисчисига банкдан 3 миллиард сўм имтиёзли кредит ажратиб беришини айтган. Бунинг эвазига 2 минг 500 долларни фирибгарлик йўли билан қўлга киритгани аниқланган. Текширув давомида 200 доллар қайтарилган.
Мазкур ҳолат юзасидан Жиноят кодексининг 168-моддаси (фирибгарлик) ва 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Енгил типдаги савдо дўкони қуришга ер майдони ажратиб беришни ваъда қилган назоратчи ушланди.
Боғот туманида ўтказилган тезкор тадбирда савдо мажмуаси назоратчиси тадбиркорга 2 минг 500 доллар эвазига жамият ҳудудидан енгил типдаги савдо дўкони қуриши учун ер майдони ажратиб беришини айтган. У олдиндан 12 миллион сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)