Фарғона вилоятининг Марғилон шаҳрида фуқарони Жанубий Кореяга ишга юборишни ваъда қилган шахс қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Б.И. (фирибгарлик жинояти учун судланган) фуқаро Б.Р.га Жанубий Кореяга ишга юборишини айтиб, унга қалбаки ҳужжатларни тайёрлаб бериб, эвазига 9 300 долларни қўлга киритганлиги аниқланган.
Шунингдек, текширув давомида Б.И. томонидан 500 АҚШ долларининг қайтарилиши процессуал тартибда расмийлаштирилган.
Мазкур ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
Аввалроқ, Наманган ва Самарқандда АҚШга ишга юборишини айтиб, пул олганлар ушлангани ҳақида хабар берилганди.
Изоҳ (0)