Янги дастур CLICK интерфейслари орқали маблағ ўғирлигини деярли йўққа чиқаради.
2021 йилда юртимизда фирибгарлик авжига чиқди. Карта орқали ва контактсиз тўловларнинг ривожланиши инсонлар ишончидан фойдаланиб пул ишловчи шахсларнинг эътиборини тортди. Фирибгарлик усуллари эса турлича – Call-марказларидан сохта қўнғироқлардан тортиб, сайтдаги маҳсулот учун картага пул ўтказиш дея алдаш. Ушбу муаммони ёритиш бўйича кенг кўламли ишлар олиб борилиши ҳамда «фирибгарларнинг найрангига алданиб қолманг» мавзусида кўплаб чоп этилган мақола ва қоидаларга қарамай, фирибгарлик ҳолатлари камаймади.
Компания фирибгарликнинг турли сценарийлари, механикалари ҳамда фирибгарлар таъсир ўтказиши мумкин бўлган «заиф нуқталар» тақдим этилган барча вазиятларни ўрганиб чиқиш бўйича кенг кўламда иш ўтказди.
2022 йилнинг бошида CLICK 4 босқичли ҳимоядан ташкил топган «антифрод» дастурини ишлаб чиқди ва синов тизимида ишга туширди. Фирибгарликнинг янги сценарийлари пайдо бўлишини олдини олиш мақсадида компания янги дастурнинг тўлиқ функционалини сир тутади. Аммо, айтиш мумкинки, дастур логикаси, маблағни қўлга қиритиш учун фирибгарлар бегона CLICK аккаунтига уланишига асосланган.
Бу рўй берганда, аккаунт эгасига биринчи навбатда янги ускуна уланганлиги ҳақида хабар юборилади. Агар уни сиз уламаган бўлсангиз, янги ускунани созламаларда «хавфсизлик» – «ишончли қурилмалар» бўлимида тезлик билан мустақил ўчиришингиз мумкин.
Агар янги ускуна ўчирилмаган бўлса, унда фирибгарлар сценарийларига ўхшаш ҳаракатлар амалга оширилса, бир қатор чекловлар ишга туширилади. Масалан, пул ўтказмаларини чеклаш. Ушбу чекловларни Call-марказига қўнғироқ қилиб ва шахсни тасдиқловчи бир нечта саволларга жавоб берган ҳолда ечиш мумкин. Шахсни идентификациялаш функцияси ишга туширилгандан сўнг эса (функция тез орада мавжуд бўлади) шахсни тасдиқлаш ва чекловларни ечиш янада тез ва қулайлашади. 3 ой давомида муваффақиятли синовдан ва пул ўғирлаш ҳолатлари минимал даражага етгандан сўнг, CLICK янги дастурни тўлиқ ишга туширмоқда.
Айрим фирибгарлар бренд кучидан фойдаланиш ва шу орқали алдаш мақсадида ўзларини CLICK ходимлари деб таништиради. Аммо, маблағни ечиб олиш учун улар ўзга иловалардан фойдаланади. Бундай ҳолларда махфий SMS-код бошқа иловалар номидан келади. Бу каби тафсилотларга эътибор беринг. Чунки янги ҳимоя дастури фақат CLICK тизимида ишлайди.
Фирибгарлар қанчалик ишонтира олувчи эканини доимо эсда тутишингизни ва огоҳ бўлишингизни сўраймиз.Ўзингиз ҳақингизда шахсий маълумотни, банк карталарингиз, PIN-кодлар ва бошқа маълумотларни ҳеч кимга берманг. Зеро, компания қанчалик кўп чора кўрмасин, фирибгарларга қарши энг аъло қурол бу сизнинг шахсий масъулиятингиз ва огоҳлигингиздир.
CLICK расмий сайти: https://click.uz/uzИжтимоий тармоқларда CLICK расмий саҳифалари: : Instagram | Facebook
Реклама ҳуқуқи асосида.
Изоҳ (0)