Қашқадарё вилоятининг Нишон туманида Nexia ва Gentra тўқнашувидан бир киши ҳалок бўлди. Ижтимоий тармоқларда ЙТҲдан сўнг Nexia иккига бўлиниб кетгани акс этган видеолар тарқалди.
Вилоят Йўл ҳаракати хавфсизлиги бошқармаси матбуот хизматининг маълум қилишича, 14 октябрь куни соат 18:20 ларда Нишон тумани, “Самарқанд” МФЙ ҳудудидан ўтувчи 4R-89 Қарши—Нишон—Таллимаржон—Грес автомобиль йўлининг 30 километрида, ҳайдовчи Қ.Б. бошқарувидаги бўлган Nexia-1 русумли автомашина Қарши—Грес йўналиши бўйлаб ҳаракатланиб келаётиб, қувиб ўтиш қоидаларини бузган ҳамда қарама-қарши томондан ҳаракатланиб келаётган ҳайдовчи Р.И. бошқарувидаги Gentra йўлига чиқиб кетиб тўқнашган.
Оқибатда Nexia-1 ҳайдовчиси тан жароҳати олиб вафот этган. Транспорт воситаларида бўлган йўловчилар тан жароҳати олиб шифохонага ётқизилган.
Изоҳ (0)