Qashqadaryo viloyatining Nishon tumanida Nexia va Gentra to‘qnashuvidan bir kishi halok bo‘ldi. Ijtimoiy tarmoqlarda YTHdan so‘ng Nexia ikkiga bo‘linib ketgani aks etgan videolar tarqaldi.
Viloyat Yo‘l harakati xavfsizligi boshqarmasi matbuot xizmatining ma’lum qilishicha, 14-oktyabr kuni soat 18:20 larda Nishon tumani, “Samarqand” MFY hududidan o‘tuvchi 4R-89 Qarshi—Nishon—Tallimarjon—Gres avtomobil yo‘lining 30 kilometrida, haydovchi Q.B. boshqaruvidagi bo‘lgan Nexia-1 rusumli avtomashina Qarshi—Gres yo‘nalishi bo‘ylab harakatlanib kelayotib, quvib o‘tish qoidalarini buzgan hamda qarama-qarshi tomondan harakatlanib kelayotgan haydovchi R.I. boshqaruvidagi Gentra yo‘liga chiqib ketib to‘qnashgan.
Oqibatda Nexia-1 haydovchisi tan jarohati olib vafot etgan. Transport vositalarida bo‘lgan yo‘lovchilar tan jarohati olib shifoxonaga yotqizilgan.
Izoh (0)