Жиззах вилояти Фориш туманида 22 август куни одам ўлими билан боғлиқ йўл-транспорт ҳодисаси содир бўлди. Бу ҳақда вилоят Ички ишлар бошқармаси хабар қилди.
Қайд этилишича, ҳолат шу куни соат 10:00 ларда 4Р-36 Жиззах—Фориш—Қизилча автомобиль йўлининг Фориш тумани ҳудудидан ўтган қисмида юз берган. Фориш тумани Пастки Байрам қишлоғида яшовчи шахс «ГАЗ-31» машинасида ҳаракатланаётиб, қувиб ўтиш қоидасини бузган ва рўпарадан келаётган «ВАЗ-2101» машинасининг йўлига чиқиб кетиб, у билан тўқнашган.
ЙТҲ оқибатида Фориш тумани Нурак қишлоғида яшовчи «ВАЗ-2101» машинаси ҳайдовчиси ва йўловчиси оғир тан жароҳатлари олиб, шифохонага ётқизилган. Шифокорлар томонидан кўрсатилган муолажаларга қарамасдан, ҳайдовчи вафот этган.
Изоҳ (0)