Англиянинг “Манчестер Сити” клуби ёзги трансфер ойнаси ёпилишига қадар ҳужум чизиғини кучайтиришни режалаштирмоқда. Фичажес нашрининг хабарига кўра, “шаҳарликлар” Франциянинг “Монако” жамоасида тўп сураётган 23 ёшли ҳужумкор ярим ҳимоячи Магнес Аклиушни харид қилиш имкониятини кўриб чиқмоқда.
Ҳозирда “Сити” “Реал” ҳужумчиси Родриго билан музокара олиб бормоқда. Агар бу трансфер амалга ошмаса, клуб Аклиуш трансфери бўйича ҳаракат бошлайди. Футболчига Германиянинг “Байер” ва Италиянинг “Интер” клублари ҳам қизиқиш билдирган. Бироқ “Монако” талаб қилаётган сумма сабаб миланликларни бу трансфердан воз кечди.
“Манчестер Сити” таркибидаги бразилиялик футболчи Савинё яқин кунларда “Тоттенҳэм”га ўтиши кутилмоқда. Шунингдек, Жек Грилиш ҳам “Эвертон”га ижарага берилади. Бу ўзгаришлар фонида бош мураббий Пеп Гвардиола имкон қадар тезроқ янги футболчи трансферини амалга оширишни истамоқда.
Француз нашрларига кўра, “Монако” Аклиуш учун 70–80 миллион евро атрофида талаб қилмоқда. “Манчестер Сити” бу суммани тўлашга тайёр экани билдирган.
- Магнес Аклиуш ўтган мавсум “Монако” сафида 43 ўйинда майдонга тушиб, 7 та гол ва 13 та голли узатма муаллифига айланган.
- Унинг клуб билан амалдаги шартномаси 2028 йил ёзига қадар мўлжалланган.
- Transfermarkt портали футболчининг ҳозирги қийматини 45 миллион еврога баҳолаган.
Изоҳ (0)