Тошкентда 2023 йилда содир бўлган ЙТҲлар оқибатида 95 киши ҳалок бўлган. Бу ҳақда Тошкент шаҳар прокурори Эркин Юлдашев йўл ҳаракати хавфсизлиги масалалари юзасидан йўллаган мурожаатида айтиб ўтган.
Унинг таъкидлашича, Тошкентда ўтган йили содир бўлган мингга яқин ЙТҲ учун жиноят ишлари қўзғатилган. 2023 йилда пойтахт кўчаларида содир бўлган ЙТҲларда 95 киши ҳалок бўлган. Вафот этганларнинг 10 нафари – болалар. ЙТҲлар оқибатида 1248 киши тан жароҳати олган, 10 киши умрбод ногиронга айланган. Жароҳат олганларнинг 235 нафари болалар ҳисобланади.
Маълум қилинишича, 4384 нафар фуқаро томонидан транспорт воситаси спиртли ичимликлар ичган ҳолда бошқарилган. Шундан 26 та ҳолатда ЙТҲ содир бўлган. ЙТҲга асосан белгиланган тезликка, светофор ёки йўл қоидасига амал қилмаслик, оралиқ масофани сақламаслик, пиёдаларга йўл бермаслик, қувиб ўтиш қоидасини бузиш каби омиллар сабаб бўлмоқда.
2023 йил давомида содир бўлиб, жиноят иши қўзғатилган 1343 та ЙТҲнинг 348 тасини 18 ёшдан 25 ёшгача бўлган ҳайдовчилар содир этган. Ушбу даврда 1417 нафар фуқаро автомашинани ҳайдовчилик гувоҳномасиз бошқаргани аниқланган.
Изоҳ (0)