Қашқадарёда Nexia-2 ва Matiz тўқнашишидан йўловчи вафот этди
Қашқадарёнинг Ғузор туманида Nexia-2 ва Matiz тўқнашишидан йўловчи вафот этди.
Вилоят ИИБ матбуот хизмати берган маълумотга кўра, ЙТҲ 9 ноябрь куни соат 14:00 ларда 4Р-79 Қарши—Чим—Чироқчи—Шаҳрисабз автомобиль йўлининг 29-километрида юз берган.
Ҳайдовчи Nexia-2 Шаҳрисабз—Қарши йўналишда бошқариб бораётиб, қувиб ўтиш қоидасига риоя қилмагани сабабли қарама-қарши йўналишдан келаётган Matiz билан тўқнашган ва пастликка ағдарилиб кетган.
Оқибатда Nexia-2 салонида бўлган йўловчи Р.А. тан жароҳати олиб, вафот этган.
Мазкур ҳолат юзасидан Ғузор туман ИИБ ТБ томонидан терговга қадар текширув ишлари олиб борилмоқда.
Мавзуга доир:
Изоҳ
Кириш
Асосий янгиликлар
