Халқаро Валюта Жамғармаси (ХВЖ) Ижрочи директорлар кенгаши Украина билан келишувларни маъқуллади, бунинг натижасида Киев кенгайтирилган кредит дастури доирасида 1,1 миллиард доллар миқдорида яна бир транш олади. Бу ҳақда ХВЖ матбуот хизмати баёнотида айтилган.
“Бугун ХВЖ Ижроия директорлари кенгаши Украина бўйича кенгашни якунлади. Бу Украина бюджетини қўллаб-қувватлаш учун 1,1 миллиард долларга яқин маблағ ажратиш имконини берди”, дейилади ҳужжатда.
2023 йил март ойи охирида ХВЖ Украина учун тўрт йилга 15,6 миллиард доллар миқдорида кредит дастурини тасдиқлаган эди.
Кредит дастури икки босқичда амалга оширилади. 2023-2024 йилларга мўлжалланган биринчи босқич “мустаҳкам бюджет яратиш”, “барқарор деинфляция ва барқарор валюта курсини сақлаб қолиш”, “узоқ муддатли молиявий барқарорликни рағбатлантириш”га қаратилган.
Иккинчи босқичда асосий эътибор макроиқтисодий барқарорликни мустаҳкамлаш, тикланиш ва урушдан кейинги дастлабки реконструкцияни қўллаб-қувватлаш, иқтисодий барқарорликни ошириш ва узоқ муддатли ўсиш суръатларини оширишга имкон берадиган таркибий ислоҳотларга қаратилади.
Изоҳ (0)