Украина 2024 йилда халқаро донорлардан 46 миллиард доллар олишни режалаштирган. Бу ҳақда Украина ОАВ маълум қилди.
Украина АҚШдан 28 миллиард доллар, Европа Иттифоқидан 10 миллиард доллар, Халқаро валюта жамғармасидан (ХВЖ) 6 миллиард ва Халқаро тикланиш ва тараққиёт банкидан (ХТТБ) 2,2 миллиард доллар олишни кутмоқда.
Украина Миллий банки раҳбари Андрей Пишний ижтимоий тармоқларда ХВЖ Киев эҳтиёжлари учун 65 миллион доллар йиғиш мақсадида жамғарма ташкил қилгани ҳақида маълум қилганди.
Аввалроқ Жо Байден АҚШ нима учун Украинани қўллаб-қувватлаётганини тушунтириб ўтганди. Унинг маълум қилишича, Вашингтон можаро Европада катта урушга айланиб кетишига йўл қўймасликни хоҳлайди.
“Европада биз (АҚШ) иштирок этмаган бирор йирик можарони биласизми? Яна шундай бўлишини истамаймиз. Биз (Европадаги) демократия барқарор эканига ишонч ҳосил қилишни истаймиз. Бунда эса Украина асосий рол ўйнайди”, — деди Америка президенти.
Изоҳ (0)