Украинанинг собиқ президенти Виктор Янукович 2013 йилда Халқаро валюта жамғармаси (ХВЖ) мамлакат расмийларига қарз беришни рад этганидан сўнг Россиядан 15 миллиард доллар кредит олишга мажбур бўлганини маълум қилди. У шу тариқа «кредит Москва томонидан берилган пора бўлган», деган овозаларга изоҳ бериб, бундай баёнотларни «сафсатабозлик», деб атади. Бу ҳақда «Корреспондент.net» хабар бермоқда.
«Биз турли йўлларни қидирдик, ишонтиришга ҳаракат қилдик, келишиб олингандек кўринганди. Афсуски, тахминан 23 ноябрда ХВЖдан расмий рад жавобини олдик. Биз бу пулларга умид қилгандик, шу сабабли жуда мураккаб вазиятда қолдик», — дея таъкидлаган собиқ президент. Януковичнинг айтишича, айнан мана шу омиллар уни Москвага қарз беришни сўраб, мурожаат этишга ундаган.
5 декабрь куни Россия молия вазирлиги Украина 3 миллиард долларни шу йил 20 декабрига қадар тўламаса, мамлакатни судга бериш билан таҳдид қилди.
Изоҳ (0)