Нидерландия Украинани артиллерия снарядлари билан таъминлаш учун 271 миллион евро ажратмоқчи. Бу ҳақда Нидерландия бош вазири Дик Схоф Х ижтимоий тармоғида маълум қилган.
Унинг сўзларига кўра, маблағ Дания, Нидерландия ва Чехиянинг ўқ-дориларни етказиб бериш бўйича қўшма ташаббуси доирасида ажратилади.
“Нидерландия артиллерия снарядлари учун 271 миллион евро ажратади. Шу тариқа биз 2025 йилда Украинага ўқ-дорилар етказиб беришда ёрдам берамиз”, деди бош вазир.
Аввалроқ Германия, Бельгия, Дания ва Норвегия 2024 йил охиригача Украинага 1,4 миллиард евролик ёрдам пакетини тақдим этиши маълум қилинганди.
“Янги ёрдам IRIS-Т ва Skynex ҳаво ҳужумидан мудофаа тизимлари, танклар, зирҳли машиналар, ҳужумчи дронлар, радарлар ва артиллерия снарядларини етказиб беришни ўз ичига олади”, деди Шольц Украина президенти Владимир Зеленский билан Берлинда бўлиб ўтган анжуманда.
Изоҳ (0)