Халқаро валюта жамғармаси (XВЖ) Украинага 14-16 миллиард доллар миқдорида кўп йиллик ёрдам пакетини тақдим этиш имкониятини кўриб чиқмоқда. Бу ҳақда фонддаги манбаларга таяниб, Bloomberg хабар бермоқда.
Ушбу ёрдам дастури неча йил ишлашига аниқлик киритилмаган. Агентлик манбаларига кўра, Украинага ёрдам кўрсатиш бўйича кўп йиллик келишувга 2023 йилнинг март ойида эришилади.
Дастур давлат ва хусусий кредиторлар томонидан мамлакатга кўпроқ молиявий ёрдам кўрсатишга ёрдам бериши кутилмоқда.
Агар дастур тасдиқланса, 2023 йилнинг апрель ойида Украина 5-7 миллиард долларгача маблағ олади. Бироқ дастурни амалга ошириш бир неча манбаларга боғлиқ бўлади: G7 мамлакатлари ва Украина кредиторларининг маъқуллаши.
Таъкидланишича, режа етарли даражада XВЖга аъзо мамлакатлар томонидан қўллаб-қувватланмаса, жамғарма Украинани 1,3 миллиард долларлик тезкор молиялаштириш воситаси билан қўллаб-қувватлаши мумкин.
Маълумотларга кўра, Украина Молия вазирлиги бу ҳақда Bloomberg’га изоҳ беришдан бош тортди. Бироқ 26 январь куни вазирлик томонидан XВЖдан “тўлиқ ҳуқуқли” молиявий ёрдам дастурига умид билдирилган баёнот берди.
Изоҳ (0)