80 га яқин мамлакат Халқаро валюта жамғармасидан коронавирус сабаб молиявий ёрдам сўради

Тахминан 80 га яқин мамлакат Халқаро валюта жамғармасидан (ХВЖ) коронавирус пандемияси сабаб молиявий ёрдам сўраган. Бу ҳақда жамғарма раҳбари Кристалина Георгиева пресс-брифингда маълум қилган, деб ёзмоқда ташкилотнинг расмий сайти.

ХВЖ раҳбарининг сўзларига кўра, жамғарма Қирғизистоннинг бу борадаги сўровига розилик берган. Георгиеванинг айтишича, фонд шу кунгача бир вақтнинг ўзида бунча кўп сўровларни кўриб чиқмаган. У қайси давлатлар молиявий ёрдам сўраганига аниқлик киритмади.

The New York Times нашрининг ХВЖ вакилларига таяниб хабар беришича, асосан ривожланаётган давлатлар молиявий ёрдам сўрам мурожаат қилган. Умумий миқдорда 20 миллиард доллар ноль қиймати ёки қуйи ставкалар бўйича кредит учун сўровлар берилган. ХВЖдагилар сўровларнинг тез орада кўриб чиқилишини билдирган.

Аввал Украина президенти Владимир Зеленский мамлакат иккита шартни бажарса, ХВЖдан 2 миллиард долларни транш билан қабул қилиб олишини айтганди. Зеленскийнинг сўзларига кўра, бунинг учун миллийлаштирилган банкларнинг акционерларга қайтарилмаслиги тўғрисида қонун имзолаш ва у орқали қишлоқ хўжалиги ерлари сотуви бўйича мораторийни бекор қилиш ҳам зарур. Агар ушбу қонунлар кучга кирмаса, Украинада дефолт бошланади, деган Зеленский. Раданинг юқори палатаси 31 март куни қишлоқ хўжалиги ерларини сотишга рухсат берувчи қонунни қабул қилган.ЖССТ ахбороти бўйича 1 апрель ҳолатига кўра, бутун дунёда коронавирус юқтириб олганлар сони 836 минг нафарга етган, 40 мингдан зиёд киши вафот этган. ХВЖ коронавирус пандемиясининг жаҳон иқтисодиётига таъсири анча жиддий бўлиши, лекин бунга қарши чоралар кўриш имконияти мавжуд эканини қайд этган, хусусан, фуқаролар бандлигини таъминлаш энг тўғри ечимлардан бири бўлишини баён қилган.