Халқаро Валюта Жамғармаси глобал иқтисодиётнинг юқори инфляцияни сақлаб қолган ҳолда “қаттиқ қўниши” ҳақида огоҳлантирди.
Бу марказий банкларни асосий ставкаларни кўтаришга ундайди. Бунинг оқибатлари молиявий сектор учун жиддий бўлади.
Жаҳон иқтисодиёти, янги прогнозга кўра, жорий йилда 2,8 фоизга, келаси йилда эса 3 фоизга ўсади.
XВЖ иқтисодчилари Украинадаги урушнинг кучайиши Европада энергетика инқирозини келтириб чиқариши ва даромади паст мамлакатларда озиқ-овқат муаммосини янада кучайтириши мумкинлигини таъкидлаган.
Ўтган қишда газ инқирозининг олди олинган бўлса-да, ёнилғи нархининг кескин ошиши хавфи сақланиб қолмоқда.
XВЖ томонидан Ўзбекистон иқтисодиёти 2023 йилда 5,3 фоизга ўсиши прогноз қилинмоқда. Бу Марказий Осиё давлатлари орасида кутилаётган энг юқори иқтисодий ўсиш ҳисобланади.
2023 йилда Қозоғистон иқтисодиёти 4,3 фоизга, Қирғизистон 3,5 фоизга, Тожикистон 5 фоизга, Туркманистон 2,3 фоизга ўсиши кутилмоқда.
Россия ва Ғарбда вазият қандай?
XВЖ ҳисоб-китобларига кўра, Россия иқтисодиёти жорий йилда 0,7 фоизга ўсади. Ташкилот январда Россия иқтисодий ўсишини 0,4 фоизга баҳолаган эди.
Мамлакат урушдан кейинги санкциялар оқибатини кутилганидан яхшироқ енгиб ўтмоқда.
XВЖ 2023 йилда Германия иқтисодиёти 0,1 фоизга, Буюк Британия иқтисодиёти 0,3 фоизга қисқаришини кутмоқда. Ҳар иккала давлат ҳам АҚШ ва бошқа Европа давлатлари каби Россияга қарши санкциялар киритган.
Украина иқтисодиёти жорий йилда атиги 3 фоизга қисқариши кутилмоқда. Банк инқирози оқибатлари билан курашаётган АҚШ иқтисодиёти эса 1,6 фоизга ўсиши прогноз қилинмоқда.
Изоҳ (0)