Россия АҚШга Украина зарбаларининг ҳалокатли оқибатлари билан таҳдид қилмоқда

Россия ТИВ Украинанинг унга берилган Америка қуролларидан фойдаланиши ҳақидаги қарорларнинг “ҳалокатли оқибатлари”ни эълон қилди, дея Deutsche Welle хабар берди.

Номаълум сабабларга кўра, улар қабул қилиши мумкин бўлган жавоб жиддийлигини етарлича баҳоламаяпти, — деди Россия ТИВ раҳбари ўринбосари Сергей Рябков.

У Вашингтонни Россия президенти Владимир Путиннинг, хусусан, Тошкентдаги музокаралар якунлари бўйича матбуот анжуманида билдирилган баёнотларини ўрганишга чақирган.

Бу жуда муҳим огоҳлантириш ва уни жиддий қабул қилиш керак, — дея қўшимча қилган Россия расмийси.

Сўнгги кунларда бир қатор давлатлар тақдим этган қуролларидан Украинага Россиянинг ҳарбий нишонларига ҳужум қилишда фойдаланиш учун рухсат берди. Франция, Литва, Латвия, Канада, Швеция, Эстония, Польша, Германия, Финляндия, Чехия, Буюк Британия ва Нидерландия шундай мазмундаги баёнотлар билан чиққан.

Шунингдек, АҚШ маъмурияти Киевга Россиядаги нишонларга зарба беришга рухсат берган. Бельгия Украинага Россияга ҳужум қилиш учун қурол ишлатишига рухсат бермаслигини маълум қилган. НАТО ва Европа Иттифоқи Украина армияси томонидан Ғарб қуролларидан фойдаланишга қўйилган чекловларни бекор қилишга чақирган.

Аввалроқ Путин НАТО давлатлари, айниқса, Европадаги кичик давлат вакиллари нима билан ўйнашаётганидан хабардор бўлиши кераклигини таъкидлаган эди.