Канада тарихида биринчи марта аёл мудофаа штаби бошлиғи этиб тайинланди. Лавозимни Уэйн Эйридан Женни Каригнанга топшириш маросими 18 июль куни бўлиб ўтди. Бу ҳақда Reuters хабар бермоқда.
“Мен ўзимни ушбу кўп қиррали вазифани бажаришга тайёр, мувозанатли ва қўллаб-қувватлангандек ҳис қиляпман. Украина ва Яқин Шарқдаги можаро, дунёнинг бошқа қисмларида кескинликнинг кучайиши, иқлим ўзгариши, мамлакатимизда ва хорижда ходимларимизга қўйиладиган талабларнинг ошиши, демократик қадриятларимиз ва институтларимизга таҳдидлар — бу биз мослашишимиз ва қарши туришимиз керак бўлган мураккаб таҳдидларнинг айримлари холос”, деди Каригнан.
Канада Мудофаа штабининг аввалги бошлиғи генерал Уэйн Эйри бу лавозимни 2021 йилдан бери эгаллаб келган. Янги лавозимга тайинланишидан олдин Каригнан Сурия, Ироқ, Афғонистон, Босния ва Герсеговинада хизмат қилган ва ўзининг фидокорона ва ажойиб хизматлари учун кўплаб мукофотларга сазовор бўлган, жумладан, “Буюк хизматлари учун” медали ва худди шу номдаги хоч.
Изоҳ (0)