Афсуски, машҳурлар орасида ҳам пластик жарроҳлик бўйича мутахассисларнинг эътиборсизлиги туфайли қурбон бўлганлари учрайди. Ёки бунинг акси, кечагина ўзининг ташқи кўринишидан кўнгли тўлмаган аёллар жарроҳлар ёрдамида қизил йўлак маликасига айланади. Grazia нашри пластик операциядан муваффақиятли ўтган бир нечта машҳур аёллар ҳикояси билан бўлишди.
Скарлетт Йоханссон
Актриса Скарлетт Йоханссон ҳар қандай жарроҳлик аралашувни қатъиян рад этади, лекин буни кўриш учун жуда синчков ва эҳтиёткор бўлиш шарт эмас: у ринопластикани ҳақиқатан ҳам амалга оширган. Ёшлигида Скарлеттнинг бурун кўприги ҳозиргидан анча кенгроқ бўлган. Аммо ундаги ўзгаришлар ҳақиқатан ҳам ўзига ярашган ва буни яширишнинг кераги йўқ.
Эшли Симпсон
Эшли Симпсон илгари узун илмоқли бурун эгаси бўлган, аммо жарроҳлик ёрдами билан бу муаммони муваффақиятли ҳал қилган. Айтганча, ринопластика Эшлининг ташқи кўринишидаги ягона аралашув эмас: у иягининг шаклини ҳам ўзгартирган ва аввалгига қараганда анча гўзаллашган.
Виктория Бекҳэм
Виктория Бекҳэм бу борада ҳеч нарсани яширмайди: у пластик жарроҳлик амалиётини ўтказган ва ҳатто бир неча марта. Албатта, Виккининг ринопластикага мурожаат қилганини дарҳол сезиш мумкин. Бундан ташқари, 41 ёшида ҳам юлдузнинг юзи мукаммал тарзда силлиқ кўринади, ҳаттоки бир дона ажин йўқ. Бекҳэмнинг ўзи эса ботокс инъекцияларининг мухлиси эканлигини яширмайди ва бунда ҳеч қандай уятли нарсани кўрмайди.
Деми Мур
Деми Мурнинг юзи жуда кўп ўзгаришларга дуч келди. Афтидан, 30 ёшида унинг юзидаги ажинлар 52 ёшга қараганда кўпроқ бўлган. Актриса ўз қизларининг опасига ўхшаб кетиши бежиз эмас! Фаолиятининг бошида Деми кўз шаклини тузатиш учун жарроҳлик амалиётини ўтказди. Кейин бурун, шунингдек, оддий одам учун деярли сезилмайдиган ёноқ ва ияк шаклини ўзгартириш операцияларини бошдан кечирди.
Камерон Диас
Кўпгина машҳурлар сингари Камерон Диас ҳам бурнининг шакли устида ишлади ва бурун кўпригини янада нозиклаштирди. Тўғри, актрисада бу туғма эмас, балки спорт жароҳати билан боғлиқ муаммо бор эди, шундан сўнг у ринопластика ҳақида қарор қабул қилиши керак эди. Баъзида Камерон таниқли инъекциялар билан оғиз ва кўз атрофидаги ажинларни ҳам бартараф этади.
Мавзуга доир:
- Лола, Муниса Ризаева ҳамда мукаммал ташқи кўринишга эришиш учун пластик жарроҳлик амалиётидан фойдаланган бошқа машҳурлар (фото)
- Энг машҳур турк актрисалари пластик операциядан аввал ва кейин (фото)
- Омадсиз ринопластикадан азият чеккан юлдузлар (фото)
- Моника Беллуччи, Салма Хаек ва ҳеч қачон пластик операцияга мурожаат қилмаган машҳурлар (фото)
Изоҳ (0)