Машҳурлар юзларини асл кўринишида сақлаш учун ҳамма нарса қилишлари ажабланарли эмас. Аммо юлдузлар орасида ҳам ёшга боғлиқ ўзгаришларни одатдагидек қабул қиладиган ва ҳар қандай сунъийликка очиқчасига қарши чиқадиган аёллар бор.
Кира Найтли, 37 ёш
Бир интервьюда Кира оқарган сочлари ва ажинлари бор аёллардан завқланишини айтади. Актриса табиий равишда қаришни ва қариганда худди шу аёлларга ўхшаб кўринишни хоҳлашини ҳам тан олади. Аммо шу билан бирга, ўзининг сочи оқарса, ташвишланади ва иложи борича тезроқ бўяшни хоҳлайди.
Кира, ҳозир уни бемаънилик эмас, балки кўзгуда бошқа одамни кўриш қўрқуви бошқарганига амин. Актрисанинг фотосуратларига кўра, у ташқи кўринишида бирор нарсани ўзгартирмоқчи эмас.
Энн Хетеуэй, 40 ёшда
«Қаттиққўл хоним» юлдузи ажинлар юзни безатади, деб ҳисоблайди: «23 ёшимда менга ботоксни таклиф қилишди. 25 ёшдан 27 ёшгача мен ҳар куни кўз қовоқларимга қараб: «Оз қолди, оз қолди!» деб ўйлардим ва кейин бу табассумим изларидан бошқа нарса эмаслигини англадим. Ёшлигимдаги фотосуратларимга қарасангиз, болалигимдан бери худди шундай табассум қилганимни кўрасиз. Ўша пайтда мен тушундим: «Мана шу ҳақиқий мен».
Жулианна Мур, 62 ёш
Жулианнанинг сўзларига кўра, у одамларни ботокс қилдиргани учун қоралайдиганлардан эмас. Аммо актриса инъекция ташқи кўринишга фойдали таъсир кўрсатишига ишонмайди. Унинг фикрича, ботоксдан сўнг юзга бирор нарса қилингани дарҳол билинади ва кўпинча бу ғалати кўринади.
Салма Ҳаек, 56 ёшда
Актрисанинг айтишича, у ҳеч қачон ботокс уколларини қилмаган. Аммо бу ҳақда жиддий ўйлаб ҳам кўрган, ҳатто қилдирилишига оз қолган, лекин фикридан қайтган. Салма кексаликка фалсафий ёндашади ва гўзаллик ҳар бир одамнинг ичида бўлиши, аёл эса ҳар қандай ёшда гўзал эканлигига ишонади.
Кейт Уинслет, 47 ёш
Ёши ҳақида гапирар экан, ажинларини яхши кўршини, лекин шу билан бирга у яхши косметика ёрдамида терисини парвариш қилишни айтади.
Жейми Ли Кертис, 64 ёш
Жейми қарилик чақалоқнинг нозик териси каби табиий эканига ишонади. «Кексалик - бу энг тоза шаклдаги инсон эволюциясидир», дейди юлдуз.
Женнифер Коннелли, 52 ёш
«Тафаккур ўйинлари» фильми юлдузи учун бахт ва фаровонлик ҳамма нарсадан устун. Женнифер, баъзи одамлар каби, умумий қабул қилинган стандартларга жавоб бериш учун ўзини турли муолажалар билан қийнамоқчи эмаслигини айтади.
Хейди Клум, 49 ёш
Хейдининг сўзларига кўра, пластик жарроҳлик одамларнинг юзини қайтариб бўлмас даражада ўзгартиради. Кўпинч бу тескари таъсир кўрсатади. Айниқса, ёш қизлар ҳақида гап кетганда. «Мен қариликка қарши муолажаларга мурожаат қилаётган ёшгина қизларни биламан. Ҳозирдан шундай бўлса, 40 ёки 50 ёшда нима қилишади?», — дейди у.
Женнифер Лопес, 53 ёш
53 ёшида ҳам Женнифер ажойиб кўринади. Хонанда тармоқдаги қизғин муҳокамалар учун сабаб бўлиши ажабланарли эмас. Баъзиларнинг фикрича, Лопес ўзининг гўзал териси қаришга қарши инъекциялар туфайли деб ҳисоблайди. Аммо у ҳеч қачон ботокс инъекция қилмаганини айтади ва ёлғончиликда айбланса, хафа бўлади.
Изоҳ (0)