Acıbadem шифохоналари тармоғида кўкрак бези саратонини даволашга комплекс ёндашув

Истанбулдаги кўкрак бези саратонини комплекс даволаш маркази беморларни тузалиб кетгунга қадар қўллаб-қувватлаб, барча керакли даволаш усулларини ва эксперт мутахассислар томонидан тиббий ёрдамни таклиф этади.

“Саратоннинг 200 дан ортиқ турлари мавжуд бўлиб, улар асосий гуруҳларга бўлинган. Ҳужайралар назоратсиз ўсишни бошлаганда ва бу жараёнда тўхтамаса, шиш пайдо бўлади. Баъзан улар асл жойдан ажралиб, тананинг ва органларнинг бошқа қисмларига: жигар, ўпка, суяклар ёки мияга тарқайди, ўсишда давом этадилар. Буни метастаз бериш деб аталади. Кўкрак бези саратони ўсманинг фақат бир тури, аммо у бутун дунёда энг кенг тарқалган ҳисобланади. Ҳар йили тахминан 2,3 миллион одамда, асосан, аёлларда касаллик ташхиси қўйилади», - дейди кўкрак бези саратони ташхиси ва даволаш бўйича мутахассис, профессор Метин Чакмакчи.

Профессор Метин Чакмакчи.

Кўкрак бези саратонига батафсил ташхис қўйилиши ва самарали даволаш

Бемор аёл Acıbadem шифохонасига кўкрак бези саратонини даволаш учун келганида, мутахассислар томонидан тўлиқ жисмоний ташхис қўйилади, сўнгра рентген текширувидан ўтадилар. Вазиятга қараб, кўкрак ултратовуш текшируви, маммография ёки МРТ буюрилиши мумкин. Агар ғайритабиий шикаст аниқланса (зичланиш, қуйқа, калсификация), худди шу куни пунксияли биопсия амалга оширилади. Патологоанатомик тадқиқот натижалари одатда 2-3 кун ичида қайтиб келади ва беморда кўкрак бези саратони бор ёки йўқлиги аниқ бўлади. Бундан ташқари, саратон чиқмаса ҳам, мутахассислар бошқа органлар ва тўқималарда метастазлар бор-йўқлигини билиш учун ташхис ўтказадилар. Ушбу ахборотнинг барчасини ҳисобга олган ҳолда, бемор учун индивидуал ва оптимал даволаш стратегияси белгиланади.

Иккинчи тарафдан, беморга ўз мамлакатида кўкрак бези саратони ташхиси қўйилган бўлса ва барча керакли тестлар тугалланган ва тасдиқланган бўлса, унинг Истанбулга келишидан олдин бутун даволаш циклини режалаштириш мумкин.

Acıbadem шифохонасида кўкрак саратонини қандай даволаймиз

Кўкрак бези саратони касалликларини даволашнинг учта асосий усули мавжуд: жарроҳлик, тизимли дори терапияси ва нур терапияси. Кўпинча бундай ташхис қўйилган беморлар учун ушбу усулларнинг барчасини қўллаш зарур бўлади. Бироқ, ҳар бир беморнинг саратони ўзига хос бўлганлиги сабабли, даволаш стратегияси касалликнинг тури, босқичи ва генетикаси асосида танланади.

• Тизимли терапия - умумий атама бўлиб, у кимётерапия, иммунотерапия, мақсадли терапия ва гормонал терапияни ўз ичига олади ва оғиз орқали ёки томир ичига юбориш учун буюрилади. Бугунги кунда кўкрак бези саратонининг ҳар хил турларини даволаш учун юқори самарали ва махсус дорилар мавжуд.
• Жарроҳлик касалликнинг дастлабки босқичида касалликни даволашнинг асосий ва биринчи усули ҳисобланади. Бироқ, саратоннинг кейинги босқичларида ёки ўзига хос рецепторлари бўлган ўсмалар учун одатда операциягача дори терапияси амалга оширилади. Кўпгина беморлар учун кўкрак безини сақлаб қолган ҳолда операция варианти мавжуд бўлиб, у бутун кўкракни олиб ташлаш ўрнига ўсмани ўраб турган соғлом тўқималарнинг хавфсиз чегараси билан олиб ташлашни ўз ичига олади.
• Нур терапиясини кўпинча жарроҳликдан сўнг қолган саратон ҳужайраларига таъсир қилиш учун ўтказилади. Acıbadem шифохонасида беморлар катта афзалликларга эга: улар замонавий чизиқли тезлатгичлар ёрдамида нур терапиясидан ўтадилар, бу эса хавфсизлик ва самарадорликнинг энг юқори даражасини кафолатлайди. Қўлланиладиган нур терапиясининг тури ўсманинг катталиги ва унинг кўкракни қанчалик қамраб олгани, қўлтиқ ёки лимфа тугунларига тарқалиши каби омилларга боғлиқ.

  

Ўсмани олиб ташлаш операциясидан кейин кўкракнинг аввалги ташқи кўринишини сақлаб қолиш

Кўкрак бези саратони ташхиси қўйилган аёллар учун энг ёмон оқибатлардан бири мастектомия бўлиб, у бир ёки иккала кўкракни олиб ташлашни ўз ичига олади. Бу аёллар учун жабрли муаммо бўлиши мумкин. Acıbadem шифохоналари тармоғида эса биз кўкракни сақлашга устувор аҳамият берамиз, албатта, бемор учун бунинг имкони бўлса. Биз уларнинг чегарасини ва ташқи кўринишини сақлаб, кўкрак безини ҳимоя қилишга интиламиз. Агар ўсманинг катталиги ёки кўкракнинг ўзи туфайли кўкракни сақлаш операциясига имкон бўлмаса ва сут безларини олиб ташлаш зарур бўлса, мастектомиядан сўнг дарҳол ва худди шу сеанс чоғида жарроҳ аввалги шаклни тиклайди. Шундай қилиб, аёл операциядан сўнг уйғонганида кўкрагини кузатади.

Кўкрак бези саратонини даволашга ихтисослашган шифохона

Acıbadem шифохоналар тизимининг кўкрак бези саратонини даволаш бўйича ихтисослашган маркази ҳар бир беморга ўзига хос эҳтиёжларига қараб индивидуал даволанишни таъминлайди. Ушбу процедураларни мутахассисларнинг комплекс жамоаси режалаштиради, амалга оширади ва назорат қилади. Булар кўкрак жарроҳи, онколог-терапевт, рентгенолог, пластик жарроҳ, онколог-радиолог, патолог ва ядровий тиббиёт мутахассисидир.

Acıbadem маркази барча хизматлар ва мутахассисларни бир жойда бирлаштиради, яъни бемор ташхис ва даволаш учун бир нечта жойларга ташриф буюриши шарт эмас. «Шифохонамизда шифокорлар бинонинг бир секторидаги кабинетларда ишлаб, кўкрак бези саратонига ташхис қўяди ва даволайди. Бу муҳим: беморларга шифохона ичида ёки ундан ташқарида узоқ масофа босмасдан, барча зарур мутахассисларга бир жойда кўринишлари мумкин. Бундан ташқари, шифокорлар бир-бирлари билан тўғридан-тўғри мулоқот қилишлари мумкин ва бу ҳам қимматлидир, чунки, одатда, масофа кўпинча мулоқотни қийинлаштиради ёки хатоларга олиб келади. Бу яқин ҳамкорлик охир-оқибат беморларга наф беради», - дейди кўкрак саратони ташхиси ва даволаш бўйича мутахассис, профессор Метин Чакмакчи. Бундан ташқари, шифокорлар кабинетлари жойлашган йўлакда маммография, ултратовуш текшируви ва биопсия хоналари мавжуд. Буларнинг барчаси беморлар учун ташхиснинг бутун жараёнини осонлаштиради, қулайроқ ва самаралироқ қилади.

Acıbadem шифохонасида нафақат шифокорлар, балки ҳамширалар ҳам кўкрак бези саратони соҳасида ихтисослашган ва бу беморларни даволашда ҳал қилувчи аҳамиятга эга. Acıbadem шифохонасининг кўкрак бези саратони бўлимида ҳар бир бемор даволанишнинг барча босқичларида уларга ҳамроҳлик қилувчи тайинланган ҳамширалар томонидан яқиндан назорат қилинади. Агар шошилинч саволлар ёки муаммолар юзага келса, беморлар сутканинг исталган вақтида ўз ҳамшираларига мурожаат қилишлари мумкин. Acıbadem шифохоналар тармоғида биз кўкрак бези саратонига чалинган беморларга авайлаб ғамхўрлик қиламиз. Бу ерда дунёга машҳур мутахассислар жамланган, илғор технологиялар қўлланилмоқда, беморга йўналтирилган замонавий ёндашувлар қўлланилмоқда. Юқори даражадаги жамоавий иш касалликни ташхислаш ва даволаш самарадорлигини оширишга катта ҳисса қўшмоқда.

Кўкрак бези саратонига чалинган ёш беморлар хотираларимизда алоҳида ўрин тутади

Профессор Метин Чакмакчининг таъкидлашича, кўкрак саратонини жуда ёшлик чоғда аниқлаш мумкин. “Бизда жуда яхши натижалар, илҳомлантирувчи ҳикоялар ва жуда бахтли беморлар бор. Кўкрак бези саратони ҳолатларининг аксарияти 40 ёшдан кейин содир бўлади ва ёш ўтган сари касаллак эҳтимоли ортади. Аммо бу 30, 25 ёки ҳатто 20 ёшда кўкрак бези саратони истисно қилинишини англатмайди. Бизга жуда эрта ёшда келган беморлар бор, аммо даволанишдан сўнг дарддан халос бўлишади. Замонавий тиббиёт уларга ҳомиладор бўлиш, бола туғиш, оила тузиш ва тўлиқ ҳаёт кечириш имконини беради. Кўкрак бези саратонини даволашдан кейин тузалиб, оила қурган кўплаб ёш беморлар тўғрисида яхши ҳикоялар мавжуд. Бундай хотиралар эса менинг ёдимда доимо алоҳида ўрин тутади”.

Туркиядаги Acıbadem шифохоналарида даволанишга оид ўзингизни қизиқтирган барча саволлар юзасидан Acıbademънинг Тошкент ва Самарқанддаги ваколатхонасига мурожаат қилишингиз мумкин:

Тошкентдаги ваколатхонамизнинг манзили: Тошкент шаҳри, Мирзо Улуғбек тумани, Буюк ипак йўли мавзеси, 19-уй.

Телефон: +998 95 144 54 45

Самарқанддаги ваколатхонамизнинг манзили: Самарқанд шаҳри, Мирзо Улуғбек 140.

Телефон: +998 66 234 41 71

Бухородаги ваколатхонамизнинг манзили: Академик I. Муминов кўчаси, 7.

Телефон: +998 55 311 54 44

Расмий сайт орқали барча керакли маълумотларга эга бўлишингиз мумкин: www.acibadem.com.ru

Шунингдек, қўшимча маълумотларни олиш учун, ҳамда тажрибали ва юқори малакали шифокорларнинг қабулига ёзилиш учун Acıbadem расмий Facebook ва Instagram саҳифаларига аъзо бўлишингиз мумкин.

Реклама ҳуқуқи асосида.