Турк актрисаларининг ҳар бири бетакрор гўзаллиги билан ҳайратда қолдиради, бу баъзан Яратганнинг туҳфаси эмас, балки пластик жарроҳларнинг моҳирона иши бўлиб чиқади.
Фаҳрие Эвжен
Ҳатто Туркиянинг энг келишган актёри Бурак Ўзчивит ҳам Фаҳрие Эвженнинг гўзаллигига дош беролмади. Актриса у билан “Чолиқуши” сериалида танишган, аммо юлдузлар бир неча йил ўтгач, “Севги сенга ўхшайди” лойиҳасида яна учрашганларида бир-бирига бефарқ эмасликларини англаган.
Ҳар йили Фаҳриенинг кўриниши тобора ажойиб бўлиб бораётганига қарамай, у ҳар қандай жарроҳлик аралашувини қатъиян рад этади. Эвжен гўзаллиги учун онасидан қарздор эканлигини таъкидлайди. Аммо кўпчилик бу гапга ишонмайди. Юз суяклари ўрнига силлиқ ёноқлар, ингичка лаблар ва бошқача кўз шакли Фаҳрие пластик жарроҳга қайта-қайта мурожаат қилганини билдиради. Бундан ташқари, турк нашрлари актрисада камида 14 та гўзаллик операциясини ҳисоблаган. Улар орасида иякдаги ёғ тўқимларини олиб ташлаш, ёноқни кўтариш, менопластика, ринопластика, қош шаклини ўзгартириш, гиалурон кислотаси инексиялари ва бошқалар мавжуд. Фаҳриенинг бир неча йиллар олдинги ва бугунги фотосуратларига қараб, бунга ишониш учун барча асослар бор.
Ҳанде Эрчел
“Қалбим эшигини қоқ” юлдузидаги кескин ўзгаришлар ҳақида жуда кўп айтилади ва ёзилади. Ҳанде Эрчел кинодаги фаолиятини 2013 йилда бошлаган. Ўша пайтда экранда аристократ, озғин аёл ўрнига тўлагина, қизғиш ёноқли ширингина қиз кўриниш беради. Юлдузнинг айтишича, вазн йўқотиш учун у ҳар куни спорт залида ишлаган, қаттиқ парҳезга риоя қилган ва массаж олган — бу бел ва сонларнинг мукаммал контурига эришишга ёрдам берган.
Аммо кўплаб экспертларнинг таъкидлашича, бундай ўзгаришларнинг орқасида нафақат ҳаёт тарзи, балки бир нечта жиддий операциялар ҳам турибди. Уларнинг фикрича, актриса кўз шакли, жағи ва лабларини коррекция қилдирган. Юлдузнинг ҳозирги ёноқлари юзидаги ёғ тўқималарини аниқ олиб ташлаганини кўрсатади, бу унинг ёноқ суякларининг янада аниқроқ кўринишга келишига имкон берган. Ияк ва бошқа баъзи жойларда липосакция амалга оширилган бўлиши мумкин. Бундан ташқари, юлдуз маммопластика ва абдоминопластикадан ўтган, бу унга жуда кўп вазн йўқотганидан кейин ўз қоматини яхшилашга имкон берган.
Неслиҳан Атагул
Бу турк актрисаси ўзининг ноодатий кўриниши билан кўпчиликнинг ёдида қолади. Гап шундаки, Неслиҳан томирида черкес ва беларус қони бор, бу унинг яшил кўзларини жозибали қилишга ҳисса қўшган. Кўплаб ҳамкасбларидан фарқли ўлароқ, актриса ташқи кўринишини яхшилаш учун жарроҳлар ёрдамига мурожаат қилганини яширмайди.
У ҳали 25 ёшга ҳам тўлмай биринчи жарроҳлик операциясига қарор қилади. Атагул кўз остидаги халтадан қутулиш учун пастки қовоғини блефаропластика қилдиради. Миш-мишларга кўра, бир мунча вақт ўтгач, актриса процедурани яна такрорлаган. Кейинги амалиёт ринопластика бўлиб, у ёрдамида бурун учи тузатилган. Неслиҳан бу ҳақда ҳеч қандай изоҳ бермайди ва ҳар бир инсоннинг ташқи гўзаллигига эмас, ички гўзаллигига баҳо беришни қатъий тавсия қилади.
Демет Ўздемир
“Қулупнай ҳиди”, “Сайроқи қуш” ва “Курт Сейит ва Александра” каби машҳур телесериаллар актрисаси 31 йил давомида бирорта ҳам пластик жарроҳлик амалиётини ўтказмаганини таъкидлайди. Бироқ унинг эски фотосуратлари бунинг аксини кўрсатади. Бундан ташқари, актриса ҳар доим ташқи кўринишига бир оз танқидий ёндашиши сир эмас.
Эстетик тиббиёт мутахассисларининг таъкидлашича, юлдуз шубҳасиз ботокс ва филлердан фойдаланган, бу эса ияк шаклини ўзгартиришга ёрдам берган. Бироқ баъзилар бундай нафис ўзгаришлар жиддийроқ аралашув натижаси эканлигига амин: Демет ёшлигида суяк пластикасини ўтказган, бундан ташқари, эндоскопик қош кўтариш амалиёти ҳам ўтказилган бўлиши мумкин — бу унга кўзи ва юзини ўзгартиришга ёрдам берган.
Мине Тугай
“Тўлқин”, “Шафқатсиз Истанбул”, “Қўрғон сирлари” ва “Қулупнай ҳиди” сериаллари юлдузининг эски фотосуратларига қараганда, унинг ҳаётида бир неча марта пластик жарроҳлик амалиёти содир бўлганига шубҳа йўқ. Мине Тугай ташқи қиёфасига алоҳида ғамхўрлик қилишига қарамай, у ҳали ҳам косметолог ва пластик жарроҳлар ёрдамига мурожаат қилади.
Актрисани ринопластика, юзи ва ияги шаклини қилдирган деб ҳисоблашади. У бир неча бор ботулинум токсини ва гиалурон кислотаси инексияларини қилганликда айбланиб, бир кун келиб ўзига ўхшамай қолиши ҳақида огоҳлантирган. Бироқ актриса ҳар қандай пластик жарроҳликни рад этади.
Берен Саат
Актриса Берен Саат мамлакатдаги энг жозибали аёллардан биридир. Кундалик ҳаётда Саат деярли бўянмайди ва жарроҳ скалпели ўрнига эстетик косметологияни афзал кўради. 2012 йил ноябрь ойида у Туркиянинг ELLE журнали муқовасида ҳеч қандай макияжсиз пайдо бўлади ва шу билан табиий гўзаллик тенденциясини ўрнатади. У терисига эҳтиёткорлик билан ғамхўрлик қилади, пластик жарроҳлик ва гўзаллик инексияларига қарши.
“Актёр томошабинлар билан бирга қарийди ва вақт сизнинг ташқи кўринишингизга таъсир қилмайди, деб мухлисларингизни алдаш аҳмоқликдир. Мен энг гўзал ва мукаммал бўлишни хоҳламайман. Мен оддийликни яхши кўраман ва ўйлайманки, энг муҳими шу”, — деб тан олади Берен интервьюсида.
Шунга қарамай, кўплаб мутахассисларнинг таъкидлашича, турк актрисаси бир вақтлар юз шаклини бир оз коррекция қилдирган бўлиши керак, чунки пластик жарроҳликдан олдин у бунчалик нафис кўринмасди.
Изоҳ (0)