Пластик жарроҳликка кўп мурожаат қилган машҳурларнинг суратлари тез-тез муҳокамаларга сабаб бўлади. Афсуски, ҳатто энг малакали шифокор ҳам мукаммал пластик жарроҳлик натижаларини кафолатлай олмайди: инсон организми индивидуалдир ва у ёки бу манипуляцияга реакция аксинча бўлиши мумкин. Баъзи мижозлар, қоида тариқасида, шифокордан ортиқча тузатишларни талаб қилади. Аммо натижа аён бўлгач, уни ўзгартириш имконсизлигича қолаверади. «Новий очаг» нашри пластик операциядан сўнг бутунлай ўзгариб кетган машҳур Голливуд юлдузлари ҳақда сўз юритди.
Деми Мур
Ушбу актрисанинг мисолида айтиш мумкинки, у ҳақиқатан ҳам пластик жарроҳликдан азият чекди. Афсонавий актёр Брюс Уиллиснинг собиқ рафиқаси узоқ вақт давомида ташқи кўриниши билан ҳаммани ҳайратда қолдирганди ва унинг учун ҳеч қандай пластик жарроҳлик керак эмасдек туйиларди. Аммо у Fendi шоусида подиумга чиққанида, меҳмонлар чиройли костюмни эмас, балки унинг юзидаги кутилмаган ўзгаришни муҳокама қила бошлади: натижа кутилганидек бўлмаса-да, актрисанинг юз териси таранг ва ажинлардан ҳоли кўринишда бўлган. Ҳар қандай аёл 40 ёшдан ошгандан кейин бу каби манипуляцияга жуда эҳтиёт бўлиши керак, чунки ҳаётнинг ушбу даврида ёғ тўқималарининг ҳажми камайиб кетади.
Виктория Бекҳэм
Викториянинг ташқи кўринишида кўплаб ўзгаришлар юз берган. Албатта, буларнинг барчаси ҳам пластик жарроҳлик туфайли эмас. Масалан, у қоматини сақлаш учун мунтазам равишда спорт билан шуғулланишга ва тўғри овқатланишга ҳаракат қилади. Аммо пластик жарроҳлик туфайи бурнининг шаклини ўзгартиргани ва лабларига бироз ҳажм бергани унинг мухлисларини хурсанд қилмади. Шунингдек, ботокс туфайли унинг юз ифодаси бутунлай ўзгариб кетгани ҳам муҳокамаларга сабаб бўлди.
Камерон Диаз
2021 йилнинг ёзида маҳшур актриса ўзининг ташқи кўриниши билан барча пластик операциялари ва манипуляциялари ҳақида гапириб берди. У ринопластикага мурожаат қилганини айтаркан, бунга сёрфингнинг ашаддий мухлиси экани ва бу спорт тури билан шуғулланаётганда бир неча бор бурнини синдириб олгани сабаб бўлган. Операция муваффақиятли ўтказилди, буни пластик жарроҳликдан олдинги ва кейинги суратларда кўриш мумкин. Аммо 2018 йилда Диазнинг юзи шунчалик ғайритабиий кўриндики, у гўёки мухлисларининг нафратига учради. Шунинг учун ҳам актриса бугунда табиий қаришни афзал кўради.
Хезер Локлир
Актрисанинг табиий гўзаллигидан шунчалар оз нарса қолганки, бунга унинг турмуш тарзини айбдор қилиш мумкин. Спиртли ичимлик ва гиёҳванд моддалар ҳар қандай организмга жиддий зарар етказиши аниқ. Шу билан бирга, актриса вақти-вақти билан операция столига аввалги кўринишига қайтиш учун ётди. Бироқ гиёҳванд моддалар билан тўлган организм шифокорларнинг ҳар қандай манипуляциясига қарши реакцияларни келтириб чиқарди. Натжада актрисанинг гўзал ташқи кўриниши билан бирга, мухлислари ҳам уни тарк этди.
Изоҳ (0)