Ўхшашми ёки йўқ? Севимли юлдузига ўхшаш учун пластик жарроҳликни амалга оширган мухлислар (фото)

Машҳур инсонларнинг мухлислари одатда уларга ўта тақлид қилганидан ташқи кўринишида ҳам бир қанча ўзгаришлар олиб боради. Баъзилари бу борада муваффақиятга эришса, яна бошқаларининг тақдири аянчли якун топиши ҳам мумкин. Улар одатда таниқли одамларнинг ўхшашига айланишдан завқланади.

Кейт Уинслет ва унинг ўхшаши

Техаслик Дебора Давенпорт «Титаник» фильми намойиш этилганидан 20 йил ўтиб ҳам, севимли актрисаси Кейт Уинслетга ўхшашни хоҳлаётганини тушунди. Шунингдек, юлдузнинг кўринишига ҳам қойил қолган эди ва охири ўзи ҳам жарроҳлик амалиётини ўтказишга қарор қилди. Пластик жарроҳликка 15 000 доллар сарфлаганидан сўнг Дебора натижадан мамнун бўлиб, бахтли эканини тан олди.

Брэд Питт ва унинг ўхшашлари

2005 йилда америкалик эгизаклар Мэтт ва Майк Шлепп юзларини Брэд Питтга ўхшатиш учун ўзгартирганда ўз ватанидагина машҳурликка эришди. Афсуски, бу уринишлар уларга Голливудда карьера қилишга ёрдам бермади. Гарчи ўзлари натижадан мамнун бўлса-да, ҳеч ким уларни Брэд Питт деб қабул қилмади.

Анжелина Жоли ва унинг ўхшаши

Албатта, Анжелинага ўхшашни орзу қиладиган мухлислар талайгина. Аммо актрисанинг садоқатли мухлисаси нафақат ташқи кўринишида, балки ҳаёт тарзида ҳам унга тақлид қилишга тайёр. 2013 йилда Надя Сулеман Жоли сингари кўп болали она бўлишни истаган эди ва бунга эришди. Унинг 14 нафар фарзанди бор. У сунъий уруғлантириш орқали 6 та, кейин бирданига 8 эгизакни дунёга келтирган. Кейинчалик ташқи кўриниш борасида Жолига ўхшаш учун операция қилдиришга қарор қилди. Орадан йиллар ўтиб Надя билан боғлиқ жанжалли вазиятлар юзага келган, чунки унинг қарзи миллион долларга яқинлашган эди.

Жастин Бибер ва унинг ўхшаши

Тоби Шелдон кумири Жастин Биберга ўхшаш учун 100 минг доллардан кўпроқ маблағ сарфлади. Гарчи Тоби кўплаб операциялардан сўнг ҳам унинг аниқ нусхасига ўхшамаган бўлса-да, телевизион кўрсатувларнинг юлдузига айланди. Аммо мухлиснинг тақдири фожиали тарзда якун топди. Тобининг яқинларининг сўзларига кўра, у севгилиси билан ажрашгандан кейин ғойиб бўлган ва жасади топилгач, унинг ёнидан бир қанча гиёҳванд моддалари топилган.

Линдси Лохан ва унинг ўхшаши

Эшли Хорн Линдсига ўхшаш учун 18 ёшигача 5 та жарроҳлик амалиётини ўтказди. Ушбу муолажалар учун 25 000 доллар маблағ сарфлаган. Натижага эса ўзингиз баҳо беришингиз мумкин.

Женнифер Лоуренс ва унинг ўхшаши

Ўзини Китти деб чақиришларини истайдиган навбатдаги қаҳрамон кўп маротаба ўзини Женнифер Лоуренсга ўхшатишганини эшитган. Шундан сўнг у ўхшашликни максимал даражада оширишга қарор қилган. Китти нафақат юз кўриниши, балки қоматида ҳам жарраоҳлик амалиётини ўтказди. Ва бунинг учун 25 000 долларлар атрофида маблағ сарфлади.

Райан Гослинг ва унинг ўхшаши

Николас кумирига ўхшаш учун унчалик ҳам ўжарлик қилмаган. Шунинг учун у ташқи кўринишида бирозгина ўзгартириш киритди ва бу унга 5 000 долларга тушган. У юқоридаги қаҳрамонлар сингари операция учун кўп пул сарфлашни истамайди.