Ёшлигини сақлаб қолишга уриниши қониқарсиз якун топган юлдузлар (фото)

Ёш ва гўзал кўриниш учун жарроҳлик амалиётига рози бўлган, аммо кутганидек натижага эришмаган машҳур аёллар ҳақида маълумот бериб ўтамиз.

Женис Дикинсон, 66 ёш

80 йилларнинг энг машҳур моделларидан бири ҳисобланган Женис Дикинсон ҳеч қачон соғлом турмуш тарзига амал қилмаган. Юлдуз бўлиб кетган чоғда тақиқланган моддалар ва спиртли ичимликларга ружу қўйган. Қолаверса, анорексия ва булимиядан даволаниши ташқи кўринишига таъсир қилмай қолмаган. Ёшга боғлиқ ўзгаришлар кўзга ташланмасиданоқ 1980 йилларнинг охирига келиб жарроҳлик амалиётига муккасидан кетган. Аммо бу ўйлаганидек натижа бермаган, кўриниши салбий томонга ўзгарган.

Мелани Граффит, 64 ёш

Мелани ёшлигиданоқ лабларини шиширишни бошлаган, қовоқларини блефаропластика қилдирган. Бу билан ёшлигини сақлаб қолмоқчи бўлган Мелани қайтанга ёшига нисбатан катта кўрина бошлаган. Шундан кейин машҳур режиссёрлардан суратга тушиш учун келадиган таклифлар сони ҳам камая бошлаган.

Мег Райан, 59 ёш

Малласоч ва латофатли Райан ҳам пластик жарроҳлик қурбонларидан. 40 ёшдан кейин юзига тиғ тегишига рози бўлган актриса шундан кейин сезиларли даражада катта кўрина бошлаган. Юзи ниқобга ўхшаб кўриниб қолган.

Донателла Версаче, 66 ёш

Донателла ҳамиша ташқи кўриниши билан эксперимент қилиб кўришни яхши кўрган. У ёшлигиданоқ ботокс ва пластик жарроҳлик қилдириб юрган. Бора-бора муккасидан кетган дизайнер кейинчалик бу борада ўзини тўхтата олмаган. Оқибатда эса шунчаки табиий гўзаллигини йўқотмаган, балки анча катта кўрина бошлаган.

Кортни Кокс, 57 ёш

«Дўстлар» сериали юлдузининг қиёфаси бир неча марта ўзгарган. У ҳам гўзаллик муолажаларига ружу қўйиб таниб бўлмас кўринишга келган. Ижтимоий тармоқлардаги салбий изоҳлар жонидан ўтиб кетган Кортни узоқ вақт ёшлигини сақлаб қолишга уринган, аммо истагининг тескарисига эришган.