Деми Мур — Голливуднинг 1990 йиллардаги машҳур актрисаларидан бири ҳисобланади. Актриса 11 ноябрь куни 60 ёшни қарши олди. У 60 ёшда бўлишига қарамай чиройли кўринишга эга. Деми Мур ҳозирги машҳурлик даражасига эришгунига қадар кўплаб қийинчиликларни бошдан кечирган. Кўплаб мухлислар унинг шахсий ҳаёти, ижоди билан боғлиқ янгиликларни кузатиб боради. «Lisa.ru» нашри дунёга машҳур актрисанинг болалиги, қийинчиликлари, муваффақияти ва шахсий ҳаёти ҳақида маълумот берди.
Голливуд юлдузи Деми Мурнинг болалиги ва ўсмирлик йиллари
Деми Мур Ню-Мексико штатининг Розуэлл шаҳрида туғилган. Унга туғилганда Деметрия Жан Ҳармон исмини қўйишган. Бўлажак актриса отаси ҳақидаги ҳақиқатни 13 ёшида билган. Маълум бўлишича, унинг отаси Деми туғилишидан олдин онасини ташлаб кетган ва кўп ўтмай қамоққа олинган.
Актрисанинг онаси Виржиния Кинг реклама менежери бўлган, алкоголь истеъмол қилувчи, қиморбоз инсон билан турмуш қуради ва ундан Морган исмли ўғли дунёга келади. Укаси туғилгандан сўнг, Демига оиладаги ҳаёти чидаб бўлмас бўлиб қолди ва у тез-тез уйдан қочиб кетади, маст ота-оналарининг уруши ва жанжалларига гувоҳ бўлади. Орадан кўп ўтмай, Голливуд юлдузи Мур 15 ёшида зўравонликни бошдан кечирганини ҳақида гапириб берди.
Қизни онасининг таниши томонидан зўравонликка учраган, чунки унинг спиртли ичимликдан 500 доллар қарзи бўлган. Демининг ўгай отаси бу ишни актрисанинг онаси Виржиниянинг розилиги билан қилганини айтган. Бироқ, Деметрия ҳали ҳам онасини оқлашга ҳаракат қилади.
«Юрагимнинг туб-тубида мен бундай бўлган деб ўйламайман. Бироқ бари бир онам унга рухсат берди ва менга зарар етказди», — дейди актриса.
Актриса 16 ёшида мактабни ташлаб, уйдан қочиб, машҳур Элите Модель Management модель агентлигига ишга жойлашди. Мур у ерда «Хавфли алоқалар» фильмининг бўлажак юлдузи Настася Кински билан танишиб қолади. У Мурга драма мактабига киришни маслаҳат беради.
Деми Мур ёшлигида — 17 ёшида онасининг васийлигидан халос бўлиш учун турмушга чиқди. У ўзидан 12 ёш катта бўлган турмуш ўртоғи, рок хонандаси Фредди Мур билан кўп ўтмай ажрашди ва унинг фамилиясини ўзида қолдирди.
Бироқ, 1980-1981 — йилларда актриса Фредди Мурнинг учта қўшиғини ёзади ва The Ну Кац гуруҳи томонидан ижро этилган Итъс Нот а Румор қўшиғининг клипида рол ўйнайди. Бугунги кунга қадар Деми ўзининг узоқ йиллик мусиқий ҳиссаси учун кичик маблағ олишни давом эттирмоқда.
Фильмография
Хорижий оммавий ахборот воситаларининг ёзишича, бўлажак Голливуд юлдузи актёрлик фаолиятини бошлашдан олдин туғма ғилайлигини операция қилдирган ва ринопластикани бошдан кечирган. Деми Мур пластик жарроҳликдан сўнг чиройли кўринишга эга бўлиб режиссёрларнинг эътиборига тушди.
Актрисанинг кино оламдаги дебюти 1981 йилда намойиш этилган «Танлов» драмасидаги кичик роли бўлган. Орадан бир йил ўтиб Деми Чарльз Бенднинг «Зараркунанда» фантастик даҳшатли фильмида суратга тушди. Ушбу картина 3D форматидаги йиртқич ҳайвонлар ҳақидаги биринчи фильм бўлган.
Актриса 1980 йилнинг ўрталарида «Ҳаммасига Рио айбдор» эротик комедиясида суратга тушгандан кейин карьераси юқорилади. Тахминан ўша йилларда Мур гиёҳванд моддаларга қарам бўлиб қолди, бироқ режиссёр Жоэл Шумахер туфайли актриса улардан воз кечди. Режиссёр актрисанинг гиёҳванд моддалар истеъмол қилишни тўхтатиш шарти билан унга ўзининг «Авлиё Элмо олови» фильмида рол таклиф қилди.
Деми ёш режиссёрнинг бу оғир шартига рози бўлди, чунки унинг фильмида рол ўйнаши муҳим аҳамиятга эга эди. Актриса реабилитацияга борди ва гиёҳванд моддаларни истеъмол қилишни тўхтатди. «Авлиё Элмо олови» фильми асосан салбий баҳоланган бўлишига қарамай, у кассабоп картиналар сафига кирди ва ёш актрисанинг янада машҳур бўлишига хизмат қилди.
Голливуд юлдузи фильмографиясида ўттиз йилдан кўпроқ вақт давомида энг муваффақиятли фильм режиссёр Жерри Сукернинг «Арвоҳ» мелодрамаси бўлди. Деми Мур иштирокидаги 1990 йилда намойиш этилган картина энг юқори даромад келтирган фильмга айланди. Фильм беш маротаба «Оскар» мукофотига, Мур эса »Олтин глобус»га номзод бўлган.
Актриса 1993 йилда Адриан Линнинг «Номақбул таклиф» эротик драмасида суратга тушди. Мур турмуш ўртоғининг рухсати билан миллиардер билан яқин муносабатларга киришадиган турмуш қурган аёл ролини ижро этди. Ушбу эротик триллер ва кейинроқ чиққан «Ҳакамлар ҳайъати» ва «Қизил мактуб» фильмлари актрисанинг эротик ролларни яхшироқ ижро этишини кўрсатиб берди.
Натижада, 1995 йилда Мур Голливуддаги энг кўп маош олувчи актрисага айланди ва биринчи бўлиб лойиҳалардаги иштироки учун 12 миллион доллар талаб қилди. Актриса бу миқдордаги маблағни «Стриптиз» фильмида суратга тушиш учун сўраган.
Актриса бир нечта пластик операцияларни бошдан кечирган, у парҳезга ўтди, ёгага қизиқди, клубларга борди ва раққосалар билан суҳбатлашди. Актриса рақс техникасини ўрганиш учун ўзига шахсий мураббийларни ёллаган.
«Стриптиз» фильмининг муваффақиятсизлиги Мурнинг карьерасига таъсир қилмади. Фильм директорлар уни ўз лойиҳаларига чақирди. «Аскар Жейн» жанговар фильмида актриса махсус кучлар аскари ролини ўйнади, бунинг учун у сочини қирқишга қарор қилди. Кейин Вуди Алленнинг «Таҳлилчи Гарри» фильмида психиатр ролини ўйнаб, қизларининг тарбияси билан шуғулланди ва ижодий фаолиятида танаффус эълон қилди.
Актриса 2003 йилда «Чарли фаришталари: Тўлиқ олдинга» фильмида «ёмон фаришта» ролини ўйнаб, экранларга қайтди. Фильмнинг суратга олиш ишларидан олдин, уч нафар фарзандни дунёга келтирган Деми ўз қоматини тўғрилаш учун операцияни бошдан кечирди.
Актриса иштирокидаги 2015 йилда намойиш этилган «Жуда яхши қизлар» драмасидан кейин томошабинлар уни «Ташлаб кетилган» фильмида кўришди. Деми 2018 йилда ҳинд криминал драмаси «Севги билан, Sonyа»да рол ижро этди. Фильмнинг мақсади одам савдоси муаммосига эътибор қаратиш эди.
Шахсий ҳаёт
Актриса 1985 йилда биринчи турмуш ўртоғи Фредди Мур билан ажрашгач, актёр Эмилио Эстевес билан унаштирилди. Жуфтлик тўйини 1986 йилнинг декабрь ойига режалаштиришган эди, бироқ актриса кутилмаганда никоҳни бекор қилган.
Деми Мур 1987 йилнинг ноябрь ойида 13 йил бирга яшаган актёр Брюс Уиллис билан турмуш қуради. Бу вақт ичида Деми Мур ва Брюс Уиллиснинг уч нафар қизи: Румер, Скаут ва Таллула дунёга келади. Деми барча болаларни ўз уйида дунёга келтирган ва ҳар сафар турмуш ўртоғи уни қўллаб-қувватлаган. Кўпчилик уларнинг оиласини мустаҳкам деб ҳисоблашган, бироқ 1998 йилнинг ёзида улар ажрашишини эълон қилди.
Жуфтлик расман 2000 йилда ажрашди. Деми турмуш ўртоғи билан ажрашганига қарамай дўстлик муносабатларини сақлаб қолган. «Мен доим ундан миннатдорман. У мени ўзимдан кўра яхшироқ тушунди», — дейди актриса Брюс ҳақида.
Брюс Уиллис Эмма Ҳемингга уйланганидан кейин уларнинг муносабатлари ўзгармади. Мур, унинг қизлари Брюс ва Эмманинг олдига тез-тез боришади. Улар 2019 йилда Брюс ва Эмма турмуш қурганининг 10 йиллиги шарафига уюштирган қайта тўйнинг иштирокчиси бўлди.
Деми 1999 йилдан 2002 йилгача жанг санъати бўйича ўқитувчи Оливер Уиткомб билан учрашди ва 2003 йилда у ўзидан 15 ёш кичик актёр Эштон Кутчер билан ишқий муносабатда эканини маълум қилди. Актриса 2005 йилнинг сентябрь ойида Эштон билан турмуш қурди, тўйда актрисанинг собиқ турмуш ўртоғи Брюс Уиллис ҳам иштирок этди. Актриса ҳатто фамилиясини Кутчерга ўзгартирди. Бироқ уларнинг турмуши тинч ва бахтли эмас эди.
Деми ҳомиладорликнинг олтинчи ойида фарзандидан айрилди. Бу воқеа актриса учун осон бўлмади: у яна спиртли ичимликлар ва оғриқ қолдирувчи воситаларни қабул қилди, бу эса жуфтлик ўртасидаги муносабатларни ёмонлаштирди.
«Қандай адашганимни, бўшаб ва умидсиз бўлганимни сўз билан тўлиқ тушунтира олмайман. Мен атрофдаги ҳеч нарсани сезмадим», — дейди актриса. 2011- йилда Эштон Кутчернинг 22 ёшли Сара Лил билан тасодифий муносабатлари туфайли актрисанинг бу турмуши ҳам бузилди.
Деми Мур 2011- йилнинг кузида турмуш ўртоғи билан ажрашганини эълон қилди. Актриса ажрашганидан кейин тушкунликка тушиб қолган ва ҳатто касалхонага ётқизилган. Суд жараёнлари 2013 - йилнинг охирида тугади ва Мур ва Кутчер ўртасидаги муносабатларга нуқта қўйилди.
Деми Мур ҳозирда қизлари билан вақт ўтказмоқда ва актёрлик фаолиятини якунлаган собиқ турмуш ўртоғи Брюсни қўллаб-қувватламоқда. Пандемия пайтида улар дам олишдан завқ олиш учун яна йиғилишди.
Деми Мур 2021 йилда Fendi шоусидаги чиқишида ёноқларининг ўзгаргани ва лабининг тортилиб қолгани билан томошабинларни ҳайратлантирди. Эҳтимол, бунинг сабаби, ёғ тўқималарининг етишмаслиги туфайли унинг ёшида тавсия этилмайдиган Биш бўлакларини олиб ташлаш эди. Деми Мур ҳозир суратда чиройли кўринади, мухлислар эса ўзига хослигини сақлаб қолиш учун унга пластик жарроҳлик билан қилдирмасликни маслаҳат беради.
Актриса 2022 - йилда Деми Мур фильмларда рол ўйнашда, қизил гиламларда ва подиумларга чиқишда давом этмоқда. У 60 ёшида ўзини ёшлигига қараганда анча бахтли ва ўзига бўлган ишончини яхшироқ ҳис қилади.
Мавзуга доир:
Изоҳ (0)