Афсуски, турк сериаллари ҳали Жанубий Корея мақтанадиган машҳурлик даражасига эришгани йўқ. Бироқ турк сериаллари шунчалик кўп қалбларни мафтун қилганки, мухлислари ҳали ҳам уларни қайта-қайта томоша қилмоқда.
“Маликам, энди қара”, 2016-2017
Ҳаёт вилоятнинг кичик шаҳарчасида туғилган. Мурат келишган йигит ва бой меросхўр. Уларнинг биринчи учрашуви нафратга тўла ўтади. Бироқ бир мунча вақт ўтгач, улар ўртасида ҳақиқий туйғу пайдо бўлади ва ёшлар бир-бирларини қаттиқ севиб қолишади.
“Ижарага севги”, 2015-2017
Ҳикоя камтарона официант Дефне ва холаси турмушга чиқмоқчи бўлган муваффақиятли пойабзал дизайнери Ўмер ҳақида. Барча ҳаракатлар мерос учун — агар йигит уйланмаса, оиласини йўқотади.
“Тўрғай”, 2018-2019
Орзулари осмон Санем нуфузли реклама агентлигига ишга жойлашади. У ерда дарҳол корпоратив интригалар ва ақл бовар қилмайдиган офис романтикаси тўрига тушиб қолади.
“Тўлин ой”, 2017
Назли ўз ресторанини очишни ҳаммадан кўра кўпроқ хоҳлайди. Бу орада у талаба бўлиб, Ферит исмли тадбиркорнинг шахсий ошпази бўлади. Турли хил тасодифлар натижасида улар яқинлаша бошлайди, кейин бир-бирларини севиб қолади.
“Қалбим эшигини қоқ”, 2020-2021
Эда Италияга амалиёт ўташни орзу қилади, лекин маҳаллий архитектура бюроси иқтидорли талабалар учун ажратадиган стипендиядан маҳрум бўлади. Хафа бўлган қиз компания раҳбаридан ўч олишга қарор қилади. Аммо уларнинг танишуви кутилмаган келишувга айланади.
“309-хона”, 2016-2017
Қиз севгидан ҳафсаласи пир бўлади, лекин онаси унинг шахсий ҳаётини тартибга солишга ҳаракат қилишдан воз кечмайди. Доктор Онур билан онаси уюштирган учрашувга боришга рози бўлади. Аммо бошқа Онур унинг столига ўтиради. Бу тушунмовчилик бутунлай кутилмаган натижаларга олиб келади.
“Қулупнай ҳиди”, 2015
Асла жаҳонга машҳур қандолатчи бўлишни орзу қилади. Бир куни тақдир уни Туркиядаги энг келишган бўйдоқ йигит билан учраштиради. Биринчи учрашувдаёқ улар жанжаллашиб, бир-бирида нафрат тўла таассурот қолдиришади. Бир куни Асла дугонаси билан Бодрумга учади, аммо самолётда ёнидаги ҳамроҳи ўша йигит бўлиб чиқади.
“Хўжакўрсинга севги”, 2019-2020
Дўстлари орасида Аише “ёмон қиз” номини олган — бу унинг зўравон ва портловчи характери туфайли унга берилган лақаб. Керем эса аёлларга суяги йўқ бўйдоқ. У ўзи нимагадир эришиб, оила қуришни истамайдиган улкан империянинг вориси. Бир куни у Айша билан учрашиб қолади.
“Сендан гўзалроқ”, 2022
Эфсун ва Эмир Истанбулдаги пластик жарроҳлик клиникасида шерик сифатида бирга ишлашади. Улар профессионал ва шахсий ҳаётларида биргаликда синовлардан ўтишади.
“Тақдир ўйини”, 2021
Ада биринчи муҳаббати билан бахтли бўлишига чин дилдан ишониб, албаниялик Рузгарга турмушга чиқади. Бироқ қиз тез орада йигит унга фақат Туркия фуқаролиги туфайли уйланганини билиб қолади. Бундан ташқари, Рузгар ҳамкасби билан ишқий муносабатда.
Изоҳ (0)