Баъзида машҳурлик ва муваффақиятга эришиш учун фақатгина истеъдод ва меҳнатсеварликнинг ўзи кифоя қилмайди. Шундай вақтда айрим шоу-бизнес вакиллари ташқи кўриниш борасида эксперимент қилиб кўришни абзал билиши мумкин.
Мерилин Монро
Асл исми Норма Жин бўлган актриса нафақат исмини, балки ташқи кўринишини ҳам ўзгартирган. Карьерасининг бошида жаноблар малласоч хонимларни маъқул кўради, деб ҳисоблаган актриса ташқи кўринишини сартарош Перл Портерфилдга ишониб топширган. Синди Гиларо ёрдамида эса сочларини қалин жингалак қилиб турмаклатган. У жарроҳлик операциясини инкор қилганига қарамай, Монро ринопластика қилдиргани ҳамда ияклари шаклини ўзгартирган деган маълумотлар йўқ эмас.
Мадонна
Талабалик даврида Мадонна ўзини фотомодель сифатида синаб кўрган. 18 ёшидаги суратларига назар ташлаб, унинг ташқи кўриниши устида ишлаганини билиш қийин эмас. Монродан илҳомланган Мадонна сочларини очартирган, қош шакли ва кийиниш услубини ҳам ўзгартирган.
Леди Гага
Ноодатий услуб ва қиёфага эга Леди Гага аввалига оддий кўринишга эга бўлган. Сочлари қора, кийиниши ҳам аввалгидек бўлмаган. Юлдуз бўлишга қарор қилганидан кейин парик кийган ва ўзининг сочларини ҳам очартирган. Кейинчалик парикнинг турли рангли ва узунлигидан бир неча марта фойдаланган. Миш-мишларга қараганда хонанда ринопластика қилдирган, аммо Гаганинг ўзи буни инкор қилади.
Кэти Перри
Юқоридаги ижодкорлар тўқ сочларини очартирган бўлса, Кэти оч рангли сочини қора рангга бўяган.
Меган Фокс
Меган янада гўзал кўриниш учун жарроҳларга бир неча маротаба мурожаат қилган шоу-бизнес вакилларидан. Ринопластика, лаб шаклини ўзгартириш ва бошқа амалиётлар сабаб Голливуд гўзалига айланган. Актриса айни вақтда ҳам лаб ва ёноқларига инъекция қилдириб туради.
Ким Кардашьян
Кимнинг «Кардашьянлар оиласи» шоусидан аввалги ва кейин суратлари унинг қанчалик ўзгариб кетганига амин бўлиш имконини беради. У қоматидан ташқари бурун шаклини ўзгартирган ва юзини пластика қилдирган. Бу ҳали ҳаммаси эмас, ботокс ва лабни катталаштириш камига сочнинг ўсиш чизиғини ўзгартириш амалиётлари ҳам унга бегона эмас.
Кайли Женнер
Опа-сингил Кардашьянларнинг ҳеч бири ташқи кўринишини ўзгартириш борасида Кайлининг олдига туша олмайди. Эндигина 23 ёшда бўлишига қарамай, у нафақат юз, балки қоматини ҳам ўзгартиришга улгурган. Ҳаммаси лабни шиширишдан бошланган. Аммо филлер билан кўнгли тўлмаган модель, хейлопластика қилдирган. Бундан ташқари у мунтазам равишда кўринишига косметик ўзгартириш киритиб туради.
Николь Кидман
Карьерасининг бошида малла жингалак сочларга эга бўлган Николь 90 йилларга келиб сочини янада очартирган ва текис ёки номига жингалак қилиб турмаклайдиган бўлган. Ҳозирги суратига назар ташланса, аввалги Кидмандан асар ҳам қолмаганини кўриш мумкин.
Изоҳ (0)