Тошкентда икки адвокат ва юристнинг ноқонуний қилмишлари фош қилиниши, собиқ “замминистр”нинг 6 йилга, қизининг эса 5 йилга қамалиши, Тошкент вилоятидаги бўёқ цехида содир бўлган ёнғин — “Дарё” нашри бугун, 10 сентябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда уч фарзанднинг онаси бўлган аёл поезд уриб кетиши оқибатида вафот этди
Воқеа тунги соат 02:00 ларда содир бўлган.
“Қизил чироқда ўтган ифлос ҳайдовчини қарғанглар” — Андижонда қонунбузар ҳайдовчиларни жазоловчи янги “тажриба” (видео)
Маълум бўлишича, Андижон шаҳридаги мактаблар олдида қизил чироқда ўтган ва пиёдаларга йўл бермаган ҳайдовчилар ўша мактабларда ўтказилган йиғилишларда ўқувчи ва ўқитувчилар олдида изза қилинган.
Саида Мирзиёева Қатарда таълимни тажовузлардан ҳимоя қилиш халқаро куни муносабати билан уюштирилган давра суҳбатида қатнашди
“Хотин-қизлар учун энг яхши ҳимоя — таълим олиш имкониятидан эмин-эркин фойдаланишдир”, дейди президент ёрдамчиси.
Андижонда шифокорлар хатоси сабаб ҳомиладор аёл вафот этгани ҳақида хабарлар тарқалди
ССВ ҳолат юзасидан маълумот берди.
Тошкентда икки адвокат ва юристнинг ноқонуний қилмишлари фош қилинди
Улар маҳбуснинг жазосини енгилроқ жазо турига алмаштириб бериш эвазига 75 минг доллар сўраган.
Фарғона ва Сурхондарёда газ заправкаларда турнақатор навбат. Масъуллар ҳолатга изоҳ берди
Фарғона ҳамда Сурхондарё вилоятидаги айрим метан заправкалар умуман ишламаётгани ҳақида хабарлар тарқалган эди.
Собиқ “замминистр” 6 йилга, унинг қизи 5 йилга қамалди
Суд қишлоқ хўжалиги вазирининг собиқ ўринбосари Алишер Тўраевни қарийб 10 млрд сўмлик 1 млн дона узум кўчатини етказиб бериш иши бўйича талон-торож қилиш ва мансаб сохтакорлигида айблаган.
Қимматбаҳо соатни олиб ўтишга уриниш, таркибида кучли таъсир қилувчи модда бўлган “қаҳва”ни олиб кириш фош қилинди
Москвадан Тошкентга учиб келган ўзбекистонликнинг қўл ва йўл сумкалари белгиланган тартибда текширувдан ўтказилганда тахминий нархи 104 миллион 280 минг сўм бўлган қўл соати борлиги аниқланди.
Шавкат Мирзиёев Россия ҳукумати раиси билан музокара ўтказди
Учрашув давомида томонларни қизиқтирган масалалар юзасидан фикр алмашилди.
Саида Мирзиёева Михаил Мишустин билан ҳамкорликнинг долзарб масалаларини муҳокама қилди
Яқин мулоқотни бундан буён ҳам ривожлантиришга келишиб олинди.
Ўзбекистонда 7 ойда юк машиналари билан боғлиқ қанча авария содир этилгани очиқланди
ЙТҲлар оқибатида 108 нафар фуқаро ҳалок бўлган.
Жиззахдаги шифохонада эркак ўзи билан бирга яшамайдиган турмуш ўртоғини пичоқлади
Жабрланувчи Зарбдор туманидаги тиббиёт бирлашмасида ҳамшира бўлиб ишлаган.
Ўзбекистонда 2023 йили коррупцияда судланган 566 нафар давлат хизматчиси қайта ишга кириб, яна шу жиноятни содир этди
Антикоррупция агентлиги раҳбарининг сўзларига кўра, коррупционэрлар реестрини яратиш устида иш олиб борилмоқда.
Президент Янги Ўзбекистон кўчасидаги қурилиш ва ободонлаштириш лойиҳалари билан танишди
Кўчанинг икки тарафига дарахт ва буталар декоратив шаклда экилади.
Тошкент вилоятидаги бўёқ цехида содир бўлган ёнғин ўчирилди
Ёнғин натижасида тан жароҳати олган ва вафот этган фуқаролар тўғрисида хабар келиб тушмаган.
Ўзбекистонда олти турдаги музқаймоқда ичак таёқчаси гуруҳидаги бактериялар аниқланди
Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан фуқароларнинг мурожаатлари асосида назорат хариди тадбири ўтказилди.
Президент Олимпия шаҳарчаси қурилишини бориб кўрди (фото)
Мутасаддилар очилиш маросими ва мусобақалар пайтида бўлажак шароитлар юзасидан ахборот берди.
Изоҳ (0)