Бразилия разведка агентлиги АҚШнинг Марказий разведка бошқармаси (МРБ) президент Луис Инасиу Лула да Сильвага қарши давлат тўнтариши тайёрламоқда, деган хулосага келган. Бу маълумот Бразилия махсус хизматидаги манбаларга асосланиб, Vero Notísias нашрида эълон қилинган.
Маълум қилинишича, Агентлик (Абин) ходимлари АҚШнинг Бразилиянинг собиқ раҳбари Жаир Болсонаруни қўллаб-қувватлаши ва унинг тарафдорларини мамлакат ичида мувофиқлаштириши Марказий разведка бошқармасининг (МРБ) давлат раҳбари Луис Инасиу Лула да Сильвага қарши тўнтаришга тайёргарлик кўриш режаси эканлигига тобора кўпроқ далиллар топмоқда.
Уларнинг айтишича, 2022 йил охирида Лула да Сильвага қарши давлат тўнтаришига уринганлик учун Болсонаруга қарши давом этаётган суд жараёни Вашингтоннинг ёрдами билан тобора кўпроқ сиёсий таъқиб сифатида кўрсатилмоқда.
Номи ошкор қилинмаган бразилиялик дипломатлар АҚШ президенти Дональд Трамп томонидан эълон қилинган ва 1 августдан кучга кирадиган Бразилия товарларига 50 фоизлик божлар иқтисодиётни заифлаштириш ва бутун мамлакатни беқарорлаштиришга қаратилган бўлиши мумкинлигини таъкидлашган.
“Тўнтаришга уринишни тасдиқлаш учун фақат Хуан Гуайдонинг Бразилиядаги версияси етишмаяпти”, - деди манба, 2019 йилда амалдаги раҳбар Николас Мадуро даврида ўзини Венесуэла бошлиғи деб эълон қилган шахсни назарда тутиб.
Ўшанда Оқ уй Гуайдони президент сифатида тан олган, шундан сўнг Венесуэла Қўшма Штатлар билан дипломатик алоқаларни узган эди.
19 июль куни Лула да Сильва АҚШнинг бошқа мамлакатлар ички ишларига аралашуви уларнинг суверенитети ва ўзаро ҳурматнинг халқаро тамойилларини бузаётганини таъкидлаган.
Изоҳ (0)