Бугунги кунда шаҳарларда яшовчи аҳолининг аксарияти ўзини сурункали чарчоқ синдромидан азоб чекади, деб ишонади. Ушбу синдром кучли чарчоқ, иш қобилиятининг пасайиши, мушаклар кучсизлиги ва узоқ дам олишдан кейин ҳам тарқаб кетмайдиган доимий чарчоқ ҳисси билан тавсифланади.
Жуда тез суръатда ўтувчи кунлар, экологиянинг бузилиши ва доимий стресс тананинг тезроқ тикланишига тўсқинлик қилади. Бу ҳолат, айниқса, совуқ мавсумда кучаяди. Ноябрдан апрелгача кўплаб инсонлар ўзида уйқу ва энергия етишмовчилигини ҳис қилади. Шифокорларнинг фикрига кўра, буларнинг барчаси фақатгина сурункали чарчоқ белгилари бўлмаслиги мумкин.
АҚШ Тиббиёт фанлари доктори, Restorasis клиникаси асосчиси Сандра Далтон-Смит огоҳлантиради: етарлича вақт ухлаш бўйича тавсиялар бизга одатий кўринса-да, ушбу маслаҳатга амал қилмай тўлақонли соғлом бўлиш мушкул иш. Агар тана узоқ вақт давомида тунда дам олмаса, хавфли касалликлар вужудга келиш эҳтимоли сезиларли даражада ошади.
Баъзида биз етарлича дам олган бўлсак ҳам, кун давомида тезда чарчаб қоламиз. Агар сизда шундай ҳолат бир неча кун кетма-кет давом этса, организмда хавфли касалликлар ривожланиш эҳтимоли ошиши мумкин.
Инсон организми чарчай бошлаганда табиий равишда энергияни тежашга ҳаракат қилади. Бундай вақтда сурункали чарчоқ синдроми бўлган одам кун давомида доимий уйқуси келади. Бундай шахслар етарли соат ухласа ҳам, тана тўлиқ дам ололмайди. Шунингдек, беморда бош оғриғи, титроқ ва кўнгил айниши кузатилади. Шунинг учун уйқу гигиенасига риоя қилиш ўта муҳимдир.
“Организм ўзини тиклаши учун биргина сифатли уйқунинг ўзи етарли эмас. Тиббиёт мутахассислари кун тартибида дам олишнинг 7 тури бўлишига аҳамият беришни тавсия қилади, уларга жисмоний, руҳий, ақлий, ҳиссий, руҳий, эмоционал ва ижтимоий ором киради. Агар сиз ҳар ой дам олишнинг бир турига вақт ажрацангиз, сурункали чарчоқ синдромига дуч келмайсиз”, — дейди Сандра Далтон-Смит The Sun нашрига берган интервьюсида.
Изоҳ (0)