Сентябрь ойида “Ёш зиёкор” нодавлат таълим ташкилотлари уюшмаси томонидан 76 та нодавлат ОТМлар рейтинги эълон қилинган эди. Мазкур рейтинг юзасидан олий таълим, фан ва инновациялар вазирининг биринчи ўринбосари Шоҳрух Далиев “Дарё”га изоҳ берди.
Шоҳрух Далиевнинг айтишича, бу рейтинг бир қатор кўрсатгичларга асосланган бўлиб, натижага нодавлат таълим муассасаларининг раҳбарлари ҳам қизиқиб қолган.
Бизда давлат ва нодавлат олий таълим муассасаларида ягона рейтингини тузиш режаси бор. Нодавлат олий таълим ташкилотларида биринчи қалдирғочлар ҳали кўп чиққани йўқ. Ҳозир 2-3 босқичга ўтаётган талаблар бор. Рейтингни аниқлаш мезонлари жуда кўп. Агар давлат ва нодавлат таълим муассасалари рейтингини аралаштириб, биттада чиқарадиган бўлсак, уларда кўп кўрсатгичлар паст бўлиб қолиши мумкин. Буни ректорларни ўзлари тушуниб, мамнуният билан қабул қилишди.
Келгусида республика раҳбариятидан рухсат ололсак, интеграциялашган битта рейтингни чиқарамиз деб ўйлайман. Ва бу эртага соғлом рақобат — бир-биримиздан нима ўрганишимиз мумкин, кимдир илм соҳасида, кимдадир нашр фаоллиги баланд, кимда моддий техник базаси яхши, ким қандай рейтингда ишлабди, халқаро ҳамкорлик қандай деган саволларга жавоб ололамиз. Бу ўзига яраша индикатор бўлиб хизмат қилади. Шунда давлат ва нодавлат олий таълими ягона платформада, очиқ “ўйин қоидалар” билан амалга оширилади, деди вазир ўринбосари.
Унинг қўшимча қилишича, битта платформага аста секин, босқичма-босқич чиқилади, лекин бугуни кунда буни қилиш қийин.
Нодавлат таълим муассасалари рейтинги натижалар:
- Тошкент халқаро университети;
- Самарқанд халқаро технология университети;
- ritish Management University in Tashkent.
Шу билан бирга Зармед университети, Урганч PAНЧ технология университети ҳамда Маъмун университети рейтингнинг энг қуйи поғоналаридан ўрин олган.
Изоҳ (0)