Бугун InnoWeek-2023 инновацион ҳафталик доирасида олий таълим муассасалари ҳамда илмий ташкилотларнинг 2022 йилдаги илмий-инновацион фаолияти натижаларига кўра миллий рейтинги эълон қилинди.
Мазкур миллий рейтингда Республикамиздаги олий таълим муассасалари орасида Тошкент молия институти 10-ўринни эгаллади.
Мазкур рейтингда Олий таълим, фан ва инновациялар вазирлиги томонидан илк бор 98 та олий таълим муассасаси (76 та ОТМ, 22 та филиал), 62 та академик лицей ва 14 та юридик техникумнинг 2022 йилдаги фаолият самарадорлиги баҳоланди.
Рейтинг таҳлил жараёнлари таълим муассасалари томонидан белгиланган талаблар бўйича ўз вақтида тақдим қилинган маълумотлар асосида, улар фаолиятига аралашмаган ҳолда 4 та йўналишдаги баҳолаш мезонлари, 20 та индикатор ҳамда уларни миқдор ва вазн даражаларини инобатга олувчи 31 та кўрсаткич асосида тузилди.
Тошкент молия институти қатор халқаро рейтингларда ҳам эътироф этиб келинмоқда.
Хусусан, Тошкент молия институти Буюк Британиянинг нуфузли рейтинг ташкилоти – Times Higher Education агентлиги ўзининг World University Rankings – 2024 рейтингида "репортер", яъни " ТОП- 1000 талик" олийгоҳлар рейтингидан жой олиш учун даъвогар олийгоҳ сифатида, ҚС рейтинг ташкилоти Осиё Университетларининг 2023 йил учун рейтингида 501–600-ўринни, Марказий Осиё давлатлари олий ўқув юртлари ўртасида 29-ўринни, Universitas Indonesia томонидан бошланган яшил кампус ва экологик барқарорлик (UI GreenMetric World University Ranking) халқаро рейтингидан ўрин эгаллаган.
ТМИ жорий йил Польша пойтахти Варшава шаҳрида жойлашган ИРЕГ Observatory он Academic Ranking анд Excelленcе Бош ассамблеяси тўла ҳуқуқли аъзоси сифатида эътироф этилган эди.
Реклама ҳуқуқи асосида.
Изоҳ (0)