Ўзбекистонда рақамли технологияларнинг чексиз имкониятлари эндигина ривожлана бошлаган пайтда, UZCARD молиявий хизматлар ва нақд пулсиз ҳисоб-китоблар соҳасига ўзининг биринчи қадамини қўйди.
Бир неча йил ичида UZCARD Ўзбекистоннинг молиявий хизматлар бозорида асосий ўйинчига айланди ва аҳолига ҳамда бизнесга қулай ва хавфсиз нақд пулсиз тўлов усулларини таклиф эта бошлади.
Янги технологиялар ва хизматларни жорий этиш орқали компания аҳолининг ҳаётини соддалаштирди ва бизнес жараёнларининг самарадорлигини оширди, бу эса мамлакат иқтисодиётини ривожлантириш ва мустаҳкамлаш учун қулай шароит яратди.
Бугунги кунда, Янги Ўзбекистон даврида, UZCARD иқтисодиёт ва технологияларда ўзгаришлар остонасига етган бир вақтда турибди. Бу вақт – устувор вазифаларни қайта кўриб чиқиш ва мамлакат ҳамда компаниянинг келажагига эътибор қаратиш муҳим бўлган даврдир. Тўлов тизими масъулияти фақат молиявий хизматлар билан чекланиб қолмаслигини тушунамиз. Ҳозирги замон ва келажак – бу бизнинг болаларимиз, ёшларимиз, дунёмиз ва ютуқларимизнинг ворисларидир.
UZCARD ўзининг 20 йиллигини нишонлаш муносабати билан, анъанавий тантаналар ўрнига, мазмунли ва самарали ишлар қилишни мақсад қилди. Компания маросимлардан воз кечиб, узоқ муддатли аҳамиятга эга бўлган йўлни танлади.
UZCARD келажакка – ёшларга таълим ва ривожланишга сармоя киритмоқда. Бу сармоя нафақат уларнинг шахсий фаровонлиги, балки жамият ва мамлакатимизнинг фаровонлиги учун ҳам муҳимдир, чунки бугунги ёш авлод оладиган билим ва кўникмалар эртанги куннинг келажагини белгилайди.
Ёшларни таълим олишида ва ривожланишида компаниянинг интилишлари фақат сўзлар билан эмас, балки амалий ишлар билан ифодаланади. Иқтидорли ёшларни рағбатлантириш мақсадида UZCARD AVLОД лойиҳаси ишга туширилди ва 10 нафар талабага грантлар ажратилди.
Грант соҳибларига UZCARD ажратган маблағлар ҳисобидан олий ўқув юртларида бир йиллик контракт тўлови тўлаб берилади. Контракт тўловларидан ташқари, талабалар UZCARD компаниясида ҳақ тўланадиган амалиёт ўташ имкониятига эга бўлишади.
20 йиллик юбилей доирасида амалга оширилган кейинги лойиҳа чекка туманларда жойлашган учта мактабларни компьютер синфлари билан жиҳозлашдир. Технологик тараққиёт даврида биронта ҳам бола компьютерларда ишлаш кўникмаларини эгаллаш имкониятидан маҳрум бўлмаслиги керак. Шу мақсадда, UZCARD чекка туманларда жойлашган мактабларни шахсий компьютерлар, принтерлар ва бошқа зарур жиҳозлар билан таъминлади.
Яна бир таълим лойиҳаси сифатида кўзи ожиз болалар учун мўлжалланган 77-сонли махсус интернат мактабига Брайл ёзувидаги дафтарларни сотиб олиш ва топшириш лойиҳаси амалга оширилди. Бу муҳим ташаббус кўзи ожиз болаларга тўлақонли ва сифатли таълим олиш имконини беришга қаратилган. Ушбу дафтарлардан фойдаланиш нафақат ўқув жараёнини яхшилайди, балки кўзи ожиз болаларда мустақиллик ва ўзларига ишончни ривожлантиришга ҳисса қўшади. Бу ташаббус ҳар бир боланинг ўқиш ва ривожланиш учун тенг имкониятларга эга бўлишини таъминлайдиган инклюзив таълим муҳитини яратишга йўналтирилган муҳим қадамдир.
UZCARD компаниясининг 20 йиллигини нишонлаш доирасида амалга оширилаётган яна бир лойиҳа Akfa Medline тиббиёт маркази билан ҳамкорликда кам таъминланган оилаларнинг 10 нафар болаларига юрак жарроҳлик операцияларини тўлашдан иборатдир. Ушбу лойиҳа юрак касалликларидан азият чекаётган кам таъминланган оилаларнинг болаларига ёрдам беришга қаратилган. Компания ҳаётнинг энг қимматли бойлик эканлигини англаб, ёрдамга муҳтожларга кўмаклашишни ўз бурчи деб билади. Мақсад – нафақат таълим ташаббусларини қўллаб-қувватлаш, балки болалар соғлиғи ва фаровонлигига ҳисса қўшишдир.
Компаниянинг туғилган куни доирасида амалга ошириладиган яна бир лойиҳа У.К.Қурбонов номидаги Республика болалар психоневрологик касалхонаси клиникасига болалар майдончасини қуришдан иборат. Ушбу майдонча нафақат ўйин жойи бўлади, балки кичик беморлар ўз ташвишларидан бир муддат чалғиб, қувонч дунёсига шўнғишлари мумкин бўлган жойга айланади. Болалар учун ўйнаш, мулоқот қилиш ва ривожланиш учун эркин майдон бўлиши нақадар муҳимлигини тушунамиз. Махсус жиҳозланган майдонча тўлиқ хавфсиз ва бизнинг кичик қаҳрамонларимизнинг эҳтиёжларига мослаштирилган бўлади. Ушбу ташаббус болалар кайфиятини яхшилашига ишонамиз.
Таълим дастурларини қўллаб-қувватлаш, грантлар тақдим этиш ва болалар учун янги имкониятлар яратиш орқали UZCARD замонавий ёш авлоднинг ривожланишига ва демакки, ишончли келажакка ўз ҳиссасини қўшишга интилади. Ўтган йиллар давомида дунё ўзгариб кетди ва бизнинг компаниямиз замон билан ҳамқадам юриш билан бирга ўзгаришларни олдиндан кўриб, мижозларга энг яхши рақамли ечимларни тақдим этишга мослашди ва ривожланди.
UZCARDнинг 20 йиллик ривожланиши Ўзбекистоннинг молия сектори ва иқтисодиёти ривожланиши билан чамбарчас боғлиқ бўлиб, рақамли молиявий хизматлар соҳасида инновацияларга интилиш ва прогресив ўзгаришларни акс эттиради. Ўзининг 20 йиллигини нишонлар экан, компания муваффақиятли ва новаторлик дунё учун асос яратмоқда.
- Телефон рақам: (+998) 71−200−28−28.
- Сайт: uzcard.uz
- Facebook: fb.com/uzcard
- Instagram: @uzcard.uz
- Telegram: т.ме/узcард
Реклама ҳуқуқи асосида.
Изоҳ (0)