Қурилиш материаллари саноатида илм-фан ютуқларини кенг жорий қилиниши тармоқда қўшимча қийматга эга, импорт ўрнини босувчи, экспортбоп маҳсулотлар ишлаб чиқариш ҳажмининг ортишида муҳим аҳамият касб этмоқда. Давлатимиз раҳбарининг соҳани илм асосида ривожлантириш бўйича топшириқлари бу борада муҳим дастуриламал бўлиб хизмат қилмоқда.
Жорий йилнинг 15 июнь куни мазкур йўналишдаги ишларни янги босқичга олиб чиқишга хизмат қиладиган навбатдаги лойиҳа –“Ўзсаноатқурилишматериаллари” уюшмаси қошида Ўзсаноатқурилишбанк билан ҳамкорликда “Р&Д тадқиқотлар маркази” очилиш маросими бўлиб ўтди.
Тадбирда “Ўзсаноатқурилишматериаллари” уюшмаси, Савдо-саноат палатаси, Ўзсаноатқурилишбанк масъуллари, олимлар, тадқиқотчилар ва оммавий ахборот воситалари ходимлари иштирок этди.
Таъкидланганидек, тадқиқотлар марказини ташкил этишдан асосий мақсад – ишлаб чиқариш корхоналари ҳамда соҳа олимларини бир – бирига янада яқинлаштириш, олий таълим муассасалари ва илмий-тадқиқот институтларининг асосланган тадқиқот натижаларини амалиётга тадбиқ этиш алоҳида эътибор қаратиш, шунингдек, “Инновацион актив корхона”лар яратишдан иборат.
Ушбу жараёнда “Р&Д тадқиқотлар маркази” тайёр, илмий асосланган лойиҳаларни шакллантириш ҳамда уларни тижоратлаштириш натижасида соҳанинг “тадқиқот эҳтиёжи” ҳамда олимларнинг “тадқиқот йўналишлари”ни ўзаро узвийлаштириб боради.
“Р&Д тадқиқотлар маркази”га жалб этилган мутахассислар тижоратлаштиришга тайёр илмий асосланган лойиҳаларини тадбиркорлик субъектлари учун жозибадор кўринишга келтиради.
Шунингдек, Тҳе highэр эдуcатион, Қуаcқуарелли сймондс, Springer сингари илмий рейтинг берувчи йирик агентликлар тавсиялари асосида олим ва изланувчиларнинг тадқиқотлари натижаларини бутун дунёга эълон қилишга амалий ёрдам беради.
Марказ доимий тарзда соҳанинг асосий тадқиқот йўналишларини аниқлаш юзасидан таҳлиллар ўтказади ва таклифлар ишлаб чиқади.
– Марказ олий таълим муассасалари ва илмий-тадқиқот институтлари билан ишлаб чиқариш корхоналари ўртасида “кўприк“ бўлиб хизмат қилади, – дейди “Ўзсаноатқурилишматериаллари” уюшмаси бошқарув раисининг маслаҳтчиси Баҳодир Исмоилов. – Шунингдек, бу ерда янги маҳсулот турларини ўзлаштириш, технологиялар трансфери ва уларни маҳаллий шароитда қўллашнинг самарадорлиги ўрганиш, энергия тежамкорлик, қайта тикланувчи энергия манбалари, қаттиқ маиший чиқиндилар утилизацияси ҳамда иқтисодий самарадорликка эришиш бўйича соҳа манфаатларига мос келувчи асосланган таклифлар ишлаб чиқиш билан шуғулланади.
Бундан ташқари, марказ мутахассислари томонидан маркетинг тадқиқотлари, тажриба-конструкторлик ва новаторлик ишланмаларини соҳа корхоналарга тақдим этадилар.
Тадбир доирасида, шунингдек, олим ва тадқиқотчиларнинг соҳани янада ривожлантириш юзасидан фикр-мулоҳазалари тингланиб, уларни амалга татбиқ этиш чора-тадбирлари муҳокама қилинди. Уюшма ҳузурида ташкил этилган лаборатория имкониятлари ва қурилиш материаллари “шоу-руми” билан танишилди.
Реклама ҳуқуқи асосида.
Изоҳ (0)