Sentyabr oyida “Yosh ziyokor” nodavlat ta’lim tashkilotlari uyushmasi tomonidan 76 ta nodavlat OTMlar reytingi e’lon qilingan edi. Mazkur reyting yuzasidan oliy ta’lim, fan va innovatsiyalar vazirining birinchi o‘rinbosari Shohrux Daliyev “Daryo”ga izoh berdi.
Shohrux Daliyevning aytishicha, bu reyting bir qator ko‘rsatgichlarga asoslangan bo‘lib, natijaga nodavlat ta’lim muassasalarining rahbarlari ham qiziqib qolgan.
Bizda davlat va nodavlat oliy ta’lim muassasalarida yagona reytingini tuzish rejasi bor. Nodavlat oliy ta’lim tashkilotlarida birinchi qaldirg‘ochlar hali ko‘p chiqqani yo‘q. Hozir 2-3 bosqichga o‘tayotgan talablar bor. Reytingni aniqlash mezonlari juda ko‘p. Agar davlat va nodavlat ta’lim muassasalari reytingini aralashtirib, bittada chiqaradigan bo‘lsak, ularda ko‘p ko‘rsatgichlar past bo‘lib qolishi mumkin. Buni rektorlarni o‘zlari tushunib, mamnuniyat bilan qabul qilishdi.
Kelgusida respublika rahbariyatidan ruxsat ololsak, integratsiyalashgan bitta reytingni chiqaramiz deb o‘ylayman. Va bu ertaga sog‘lom raqobat — bir-birimizdan nima o‘rganishimiz mumkin, kimdir ilm sohasida, kimdadir nashr faolligi baland, kimda moddiy texnik bazasi yaxshi, kim qanday reytingda ishlabdi, xalqaro hamkorlik qanday degan savollarga javob ololamiz. Bu o‘ziga yarasha indikator bo‘lib xizmat qiladi. Shunda davlat va nodavlat oliy ta’limi yagona platformada, ochiq “o‘yin qoidalar” bilan amalga oshiriladi, dedi vazir o‘rinbosari.
Uning qo‘shimcha qilishicha, bitta platformaga asta sekin, bosqichma-bosqich chiqiladi, lekin buguni kunda buni qilish qiyin.
Nodavlat ta’lim muassasalari reytingi natijalar:
- Toshkent xalqaro universiteti;
- Samarqand xalqaro texnologiya universiteti;
- British Management University in Tashkent.
Shu bilan birga Zarmed universiteti, Urganch RANCH texnologiya universiteti hamda Ma’mun universiteti reytingning eng quyi pog‘onalaridan o‘rin olgan.
Izoh (0)