Тошкентда Alfraganus университети ташаббуси билан “Ёшлар келажаги ва таълимда тадбиркорлик” мавзусида халқаро анжуман иш бошлади

Тошкент шаҳридаги Интерcонтинентал меҳмонхонасида Alfraganus университети ташаббуси ҳамда ҳомийлигида “Ёшлар келажаги ва таълимда тадбиркорлик” мавзусида ўнинчи маротаба ўтказилаётган UNESCO-APЭID кенгаши йиғилиши бўлиб ўтмоқда. Бу ҳақда тадбирда қатнашган “Дарё” мухбири хабар берди. 

Мазкур халқаро анжуман Марказий Осиёда биринчи маротаба ташкил этилмоқда. Бу конференция мамлакатимиз президентининг 2024 йилни “Ёшлар ва тадбиркорликни қўллаб-қувватлаш йили”, деб номлаши доирасида амалга оширилмоқда. Айни кунда Тошкентда бўлиб ўтаётган конференция шу кунга қадар фақат Хитой ва Тайландда ўтказилган. Бу галги анжуманда 35 дан ортиқ давлатларнинг 100 га яқин вакиллари иштирок этмоқда. Конференциядан кўзланган асосий мақсад талабаларимизга ўқиш билан биргаликда тадбиркорликни чуқур ўргатиш ва келажакда айнан шу орқали уларнинг бандлигини таъминлашдан иборат,  дейди Alfraganus университети ректори Муҳаммадисмоил Маҳмудов.

Ректорнинг билдиришича, анжуманга келган 35 дан ортиқ давлатларнинг 100 га яқин вакиллари Alfraganus университетида яна 10 кун қолиб, талабаларга билимларини улашади. 

Катта халқаро анжуманга нега апйнан Alfraganus университети мезбонлик қилмоқда?

2023 йилнинг 26—28 октябрь кунлари Хитойнинг Ханчжоу шаҳрида бўлиб ўтган UNESCO-APЭID таълим соҳасида тадбиркорлик бўйича тўққизинчи учрашувда Ўзбекистон республикаси вакили бўлган Alfraganus университети ўнинчи учрашувни Ўзбекистоннинг Тошкент шаҳрида ўтказиш ҳақида ташаббус билан чиқди. Президентимиз Шавкат Мирзиёев томонидан 2024 йилнинг “Ёшлар ва тадбиркорликни қўллаб-қувватлаш йили” деб эълон қилингани боис бу ташаббус долзарб ҳамда ўз вақтида амалга оширилмоқда,  дейди Alfraganus университетининг Иқтисодиёт факультети декани, профессор Алишер Тўйчиев. 

Алишер Тўйчиевнинг айтишича, мазкур анжуманда хорижлик олимлар билан бирга тадбиркорлар ҳам иштирок этмоқда. 

Талимда тадбиркорликни ривожлантириш орқали университетимизда таҳсил олувчи 21 минг нафардан ортиқ талабаларнинг айнан иқтисодиёт факультетида ўқиётган олти минг нафаридан ортиғини соҳанинг етук билимдони қилиш баробарида шу соҳанинг лидери қилиш тарафдоримиз. Бугунги йиғилиш Alfraganus университетидан йирик тадбиркорлар, олимлар чиқишида катта аҳамият касб этади, дейди профессор Алишер Тўйчиев.

Университет деканининг қўшимча қилишича, Ўзбекистонда таълимда тадбиркорликни ривожлантириш ташаббуси бундан 10 йил аввал бошланган ва давом этмоқда. Бу ҳаракатлар яна беш-ўн йилда ўз натижасини кўрсатади. 

UNESCOнинг анъанавий ўнинчи тадбири яъни ёшларнинг тадбиркорлик таълимига бағишланган анжуман айнан Ўзбекистонда ўтказилиши бежиз эмас. Боиси, мамлакат сўнгги етти йилда ҳудуддаги мамлакатлар орасида нафақат иқтисодий ривожланиш, маҳаллий ва хусусий бизнес ривожи, ёшларда бизнес кўникмаларини шакллантириш борасида ҳам етакчи давлатга айланди. Шу сабаб ҳам бугун Тошкентда катта халқаро анжуман бўлиб ўтмоқда,  дейди UNESCOнинг Тошкентдаги вакили Бахтиёр Намозов. 

Билдирилишича, икки кунлик анжуман якунида 34 та давлатдан келган 100 га яқин экспертлар, етакчи олий таълим муассасаларининг профессор-ўқитувчилари, тадбиркорлар, халқаро ташкилотлар вакиллари иштирокида ёшлар ва тадбиркорлик таълими бўйича Тошкент декларацияси имзоланади.

Реклама ҳуқуқи асосида.