Қарши шаҳридаги тиббиёт муассасасида тўғридан тўғри тармоққа уланиб электр энергиясидан ноқонуний фойдаланиш ҳолати аниқланди. Бу ҳақда “Ўзэнергоинспекция” матбуот хизмати хабар берди.
Маълум қилинишича, Қарши шаҳрида жойлашган Республика ихтисослаштирилган Она ва бола саломатлиги маркази Қашқадарё вилояти филиалида 4 дона чиллер совитиш тизими (қуввати 612.6 кВт) электр тармоқларига тўғридан тўғри уланган.
Қоидабузарлик натижасида электр таъминоти корхонаси манфаатига 2 млрд 182 млн сўмлик зарар етказилган.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
- Аввалроқ Андижонда жами 612 млн сўмлик “свет”дан ноқонуний фойдаланиш ҳолати аниқлангани ҳақида хабар берилган эди.
Фарғона вилоятида 5 та новвойхона томонидан 771 млн сўмдан зиёд табиий газдан ноқонуний фойдаланиш ҳолатлари аниқланганди.
Изоҳ (0)