“Ҳудудий электр тармоқлари” ижтимоий тармоқларда электр энергиясидан асоссиз тарзда қарздорлик вужудга келаётгани тўғрисида тарқалган хабарларга муносабат билдирди.
![](/static/2024/08/17/photo_2021-12-02_12-09-35-jN_0ciYe.jpg)
Тармоқларда айрим истеъмолчиларда шундай ҳолатлар кузатилиб, туман электр тармоқларига бориб аниқлик киритилганда, ўтган йиллар мобайнида қолиб кетган қарздорлик сифатида тушунтирилгани тўғрисида видеохабарлар тарқалган.
“Август ойидан ҲЕТ Billing дастурий комплекси ташкил этилди. Шу жараёнда эски тизимдан истеъмолчиларнинг архив маълумотларини янги тизимга ўтказишда айрим истеъмолчилар шахсий ҳисобида ноаниқликлар келиб чиқмоқда. Бундай ноаниқликларни келиб чиққан ҳудудларда қўшимча мутахассислар ажратилган ҳолда масалага ойдинлик киритиш ишлари олиб борилмоқда”, дейди “Ҳудудий электр тармоқлари” мазкур ҳолатга изоҳ бериб.
“Ҳудудий электр тармоқлари” ҳолат юзасидан қўшимча ахборот берилишини маълум қилади.
Изоҳ (0)