Тошкент шаҳрининг Шайхонтоҳур туманида хорижга ишга юборишни ваъда қилган шахс ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти матбуот хизмати хабар берди.
Маълум қилинишича, ўтказилган тезкор тадбирда “К-Ў.” МЧЖга қарашли ўқув маркази ходими С.А. фуқаро Ш.Б.ни Кореяга боришда талаб этиладиган ишчи виза учун ўтказиладиган корейс тили имтиҳонидан танишлари орқали ўтказиб бериши эвазига 10 минг доллар олган вақтда ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)