Таниқли актриса Муқаддас Саъдуллаева “Darakchi.uz”га берган интервьюсида турмуш ўртоғини йўлдан уришга интилган актриса ҳақида сўзлаб берди.
— Охирги пайт бир актриса жуда хунук ишлар қилди. Биз беш ой мобайнида бирга яшамаган пайтимизда у актрисанинг турмуш ўртоғим билан қандайдир муносабатда бўлганини сезиб қолдим. Турмуш ўртоғим энди эркак киши, ўша пайтда биз бирга яшамаётган эдик, уларни тушунса бўлади. “Ғунажин кўзини сузмаса, буқа ипини узмайди”, деган гап бор. Ҳар хил сёмка жараёнларидан эшитяпман шунақа гапларни, менга етказишяпти. У кўзини сузаётгани акс этган турли кадрларни менга ташлашяпти. У актрисанинг ўзига айтишга озгина ҳаё қилдим ва ўша ерда у билан ишлаётган бир санъаткор аёлга тушунтирдим. “Шу қизнинг озгина танобини тортиб қўйинг, ўйламасин, биз ҳали ярашамиз, чунки фарзандларимиз бор”, дедим. Ўзим ҳам актриса бўлганман. Клиплар ва фильмларда оилали актёрлар билан жуфтлик ролини ўйнаганимизда доим масофа сақлардим.
— Огоҳлантирдим, Instagram саҳифасидан ҳам турмуш ўртоғимни чиқариб ташласин, дедим. Ўша пайтда Instagram’ларидан чиқариб, бир зумга йўқолиб қолди. Кейинроқ яна сафарларда бирга бўлиб қолишганида, яна Instagram’ларига турмуш ўртоғимни қўшиб олибди, яна нимадир пайдо бўлган у қизда. Бир тадбирда турмуш ўртоғим иккимиз у билан кўришиб қолдик. Ўшанда у актриса худди у эмас, худди мен унинг эрини тортиб олаётгандек бошини баланд тутиб менга қараб турибди. Ўзига ҳам ёздим, лекин у мен билан бирга-бир олишяпти, тўхтамаяпти. Турмуш ўртоғимдан узоқ бўл, деб чиройли қилиб ёзиб юбордим. “Сени турмуш ўртоғинг севмаса, итга ҳам керагинг бўлмаса, мендами айб?”, деб жавоб қайтарибди. Ўшанда мен халқнинг кўзида фариштани ёқиб олган актрисанинг асл башарасини яна бир бор кўрдим.
Муқаддас Саъдуллаева ушбу вазиятга турмуш ўртоғининг муносабати ҳақида ҳам тўхталиб ўтди.
— Турмуш ўртоғим бу вазиятга аралашманг, мен сиз биланман. У менинг дидимдаги қиз эмас. Мени дидимдаги аёл сизсиз, дедилар. Лекин у мен билан баравар олишаётгани жаҳлимни чиқарди. Битта интервьюда “У инсонлар менинг 30 сония гапиришимга ҳам арзимайди”, дебди. Лекин Instagram саҳифаларида мен ҳақимда ёзишда давом этяпти. Нима эмиш, мен уни кўролмаётган эканман. Нимасини кўролмаслигим мумкин? Алҳамдуллиллаҳ, мен ҳам ўзимга яраша ижод қилганман. Ҳозир ижодда бўлмасам ҳам, оилам, уйим-жойим, фарзандларим бор. Шу нарсалар мени хафа қилди, ўйлантирди. Наҳотки ҳозир ёшлар шундай бўлиб кетяпти?
Актриса “Хиёнатни кечира оласизми?” деган саволга қуйидагича жавоб берди:
— Ҳамма нарсанинг чегараси бор. Ўта қуюшқондан чиқиб кетган хиёнатни кечириб бўлмайди, менимча. Лекин бир нарсани айта оламан, турмуш ўртоғим менинг ёнимда бўлсалар, жуда ҳам садоқатлилар, бунга ишонаман. Энди эркакчиликда бўлиб туради. Бунинг устига 5 ой аёли ёнида бўлмаса, бунақа қизлар кўз сузиб турса. Бу қизни қилаётган давомий иши озгина жаҳлимни чиқарган.
Изоҳ (0)