Футбол бўйича 2026 йилги Жаҳон чемпионати Осиё минтақасидаги 3-саралаш босқичидан ўрин олган учрашувларнинг 3 ва 4-тур ўйинлари ўтказилади. Унда Ўзбекистон миллий жамоаси Эрон ва БАА терма жамоаларини Тошкентда “Бунёдкор” стадионида қабул қилади.
Ижтимоий тармоқларда ушбу ўйинларда Сречко Катанес соғлиғидаги муаммолар сабаб қатнаша олмаслиги, учрашувларда Кападзе бош мураббий сифатида ишлаши ҳақида гаплар тарқалди. ЎФА халқаро алоқалар бўлими раҳбари Шерзод Игамбердиев журналист Нарзулла Сайдуллаевга ушбу хабарлар ҳақиқатга тўғри келмаслиги, Ўзбекистон миллий терма жамоаси бош мураббийи бугун, 7 октябрь куни Тошкентга етиб келишини маълум қилган. Аммо бу хабар ҳам ўз тасдиғини топмади.
ЎФА матбуот хизмати Сречко Катанес саломатлиги ёмонлашгани сабабли шифокорлар тавсиясига кўра ушбу йиғинда қатнаша олмаслигини маълум қилди. Иккита учрашувга жамоани ёрдамчи мураббийлар Алеиш Чех ҳамда Владо Радманович тайёрлайди.
Аввалроқ Катанес соғлиғидаги муаммо сабаб жамоани учинчи бор тарк этса, қайтиб келмаслигини маълум қилганди.
Маълумот учун, бугундан жамоа Тошкентда машғулотларга киришади ва 10 октябрь куни Эронга қарши майдонга тушади. БАА билан ўйин 15 октябрга режалаштирилган.
Изоҳ (0)