Футбол бўйича халқаро ўртоқлик ўйинида Ўзбекистон терма жамоаси 13 сентябрь, чоршанба куни Мексикага қарши майдонга тушди.
Учрашув 3:3 ҳисобидаги дуранг натижа билан якунланди. Ўйиндан сўнг Ўзбекистон терма жамоаси бош мураббийи Сречко Катанец матбуот анжуманида иштирок этди.
Учрашув яхши ўтди, эҳтимол биз бундан-да кўпроғига муносиб эдик. Мексикадек терма жамоага қарши ўйин биз учун яхши тажриба бўлди.
Мексика жуда кучли ва техникали футболчиларга эга жамоа. Биринчи бўлимда рақибнинг бир қанча асосий футболчилари захирада қолган бўлса-да, улар яхши ўйин намойиш этди. Бироқ йигитлардан хурсандман, ўйиндан кўнглим тўлди, чунки аксар футболчиларимиз клубларида етарлича ўйин амалиётига эга бўлмаётган эди.
Умид қиламанки, кейинги ой Жаҳон Чемпионати саралаш ўйинларигача улар янада яхшироқ ҳолатда бўлади. Мен улар билан фахрланаман ва биз ўсишда давом этамиз.
Изоҳ (0)