Футбол бўйича Ўзбекистон терма жамоаси ЖЧ—2026 3-саралаши 2-турида Қирғизистонга қарши баҳс олиб борди.
Учрашув Ўзбекистоннинг 3:2 ҳисобидаги ғалабаси билан якунланди. Ўйиндан сўнг терма жамоа бош мураббийи Сречко Катанес иштирокида матбуот анжумани ўтказилди.
Аввало футболчиларни ғалаба билан табрикламоқчиман. Лекин бундай голларни ўтказиб юбормаслигимиз керак. Чунки бундай голлар исталган жамоага сюрприз бўлиши мумкин. Голларга жавоб бера олдик, айниқса, Элдор тезкор гол билан жавоб қайтарди.
Дастлабки икки учрашувда максимал натижа қайд этдик, олдинда бизни яна муҳим икки ўйин кутяпти.
Ўйин аввалида керакциз хатоларга йўл қўйдик. Бунга нима сабаб бўлганини билмадим, балки майдон ҳолатидир ёки бошқа бир сабаб. Бугун рақибга кўп маротаба “совға” улашдик, керакциз вазиятларда оддий хатоларга йўл қўйдик. Бу босқичда хатоларга йўл қўйишга ҳаққимиз йўқ. Диққатни йўқотганимиз асосий муаммо бўлди. Эътиборли бўлмасак, ҳар қандай жамоа бизни жазолаб қўйиши мумкин.
Сречко Катанес, Ўзбекистон терма жамоаси бош мураббийи
Ўзбекистон терма жамоаси октябрь ойида ЖЧ—2026 саралаши доирасида Эрон ҳамда БАА терма жамоаларига қарши баҳс олиб боради.
Изоҳ (0)