Футбол бўйича Осиё Кубоги 2-туридан ўрин олган баҳсда Ўзбекитон Ҳиндистон терма жамоаси устидан 3:0 ҳисобида ғалаба қозонди.
Учрашувдан сўнг Ўзбекистон терма жамаоси бош мураббийи Сречко Катанес ва ўйиннинг энг яхши футболчиси Аббосбек Файзуллаевлар матбуот анжуманида иштирок этди.
Йигитларнинг ўйинидан қониқдим. Жуда яхши ўйин кўрсатдик.
Бешта ҳимоячи дейиш бир оз нотўғри бўлади. Учта марказий ҳимоячи десак тўғрироқ бўлади. Терма жамоамизнинг ўтган йилги ўйинларига эътибор берсак, учта марказий ҳимоячи билан ўйнаганимизда, жамоа ишончлироқ кўринганди. “Интер” клуби ҳам учта марказий ҳимоячи билан ўйнайди. Иккита қанот ҳимоячилари ҳужумда жуда актив. Сиз бешта ҳимоячи билан ўйнасангиз ҳам, улар ҳужум қилишни хоҳлашмаса, ҳеч нарса бўлмайди. Мен ҳеч қачон ўз ҳимоячиларимга фақат ҳимояда туринглар демайман. Австралия бугун тўртта ҳимоячи билан ўйнади. Мен биринчи бўлимни томоша қилдим. Лекин биринчи бўлимда Австралия деярли вазият ярата олмади. Демак, гап нечта ҳимоячи билан ўйнашда эмас. Сурияга қарши ўйинда ҳам бугунгидек ҳаракат қилганимизда, биз бошқача ўйин кўрсатган бўлардик.
Ажойиб ўйнадик. Улар зўр ҳаракат қилишди, яхши зарбалар беришди, голлар уришди. Замонавий футболда тезкор гол уриб олсангиз, ҳаммаси осон бўлади. Ҳиндистон эса гол ўтказиб юборганидан сўнг босим остида қолди. Ҳисобда ортда бораётганингизда ҳаммаси қийинлашиб кетаверади. Бизда эса жуда тезкор ёш футболчилар бор.
Аббосбек ҳар доим табассум қилади. Доим яхши ўйин кўрсатади. Нафақат бизда, балки “ЦСКА” клубида ҳам. Терма жамоа мураббийи сифатида Аббосбек каби ўйинчим борлигидан мамнунман. 20 ёшли футболчи катта ўйинларда ўйнай олиши керак. Ҳозирги футболда 23 ёшли футболчини ҳам иқтидорли дейишади. Аслида, ҳақиқий иқтидор 20 ёшида ҳам катта ўйинларда ўзини кўрсата олади.
Ҳурмат билан айтаман, мен ўзбек журналистлари нима ёзаётганини умуман ўқимайман. Таржимоним Даврондан ҳам менга ўзбек матбуоти нима деб ёзаётганини ҳеч қачон айтмаслигини сўраганман. Мен бор эътиборимни ўз ишимга қаратганман. Журналистларни ҳурмат қиламан, аммо табиатим шундай. Бугунги тактикамиз бўйича хоҳлаганингизча ёзишингиз мумкин.
Унда менга (журналистлар) хат жўнатинглар. Бу хатда менга Австралияга қарши кимлар ўйнаши кераклигини ёзинг. Агар бу режа иш берса яхши, аммо биз мағлуб бўлсак ким жавобгар бўлади? Масала шунда. Журналистлар натижага жавоб беришмайди. Сиз истаган нарсангизни ёза оласиз, аммо натижага мен жавоб бераман. Фарқимиз шунда. Журналистлар терма жамоамиз ичидаги 10% маълумотни билиши мумкин. Қайсидир ўйинчида жароҳат борлиги ва ҳоказо. Олдимизда Австралияга қарши муҳим ўйин кутиб турибди. Биз бор эътиборимизни шу ўйинга қаратганмиз.
Сречко Катанес, Ўзбекистон терма жамоаси бош мураббийи
Барчага раҳмат. Стадионга келган мухлисларга раҳмат. Ўйинга яхши тайёргарлик кўрдик. Суриядан кейин ғалаба қозонишимиз шарт эди. Сурияга қарши ўйин ҳақида гапиришни истамайман. Бор эътиборни Австралияга қарши учрашувга қаратамиз. Ҳозир энг муҳими, тикланиб, кейинги ўйинга тайёрланиш.
Австралияга қарши ўйин қизиқ бўлиши аниқ. Улар қоғозда кучли бўлиши мумкин, аммо майдонга иккала жамоа ҳам 11 нафар футболчи билан чиқади. Биз Австралиядан кучсизмиз дея олмайман, чунки жамоадошларимга ишончим юқори.
Осиё Кубогидаги ғалабадан кейин ўзимга бўлган ишонч ошди. Мусобақадаги ғалаба ажойиб ҳисларни берганди. Шундан сўнг, том маънода, профессионал футболга ўта бошладим. Барибир катталар ўртасидаги Осиё Кубоги муҳимроқ. Чунки бу ерда ҳамма профессионал. Бу бошқа даража. Ҳозирги ҳолатда Осиё Кубогига тайёрман деб ўйлайман.
Аббосбек Файзуллаев, Ўзбекистон терма жамоаси футболчиси
Изоҳ (0)